鹽酥蚵仔 ~ (做法 )
8 - 07 - 2011
我 同 老細 都好鐘意食蠔餅
每次去台灣 我 老細 實一定要去吃 蚵仔煎
but 我就嫌佢 pat 醬多咗啲 甜咗啲
不過上次去台灣 喺 度小月 食過佢哋 鹽酥蚵仔 真係好酥脆 好正
返到嚟之後 久不久就諗起 ~ 好想食 , 好想整
其實呢個鹽酥蚵仔唔難整
點解我遲遲都唔整係因為我最怕洗啲 "滑汕汕"又腥 嘅嘢
今日 同 老細 去街市買餸時 睇見啲蚵仔好大粒
即時又諗起 台灣 嘅 鹽酥蚵仔
終於受唔住 老細 嘅疏擺 ~ 買 咗半斤試吓
一返到屋企即刻帶上手套然後將啲蚵仔倒入筲箕 再加入幾大湯匙生粉 輕輕手係咁攪 , 係咁兜 , 係咁
摷 , 目的係要將蚵仔啲 "汕 "同殼碎洗甩哂
然後用廚紙印乾哂所有水份 , 再將每粒蚵仔沾滿蕃薯粉後落滾油炸至浮起
再用吸油紙吸去多餘油份後洒上淮鹽即可 ! 搞掂 !
沒有留言:
張貼留言