2009年6月30日 星期二

露荀炒帶子粒

2009年6月30日下午9:35公開累積瀏覽 226 12

露荀炒帶子粒 ~    



    新鮮小露荀 切段 . 急凍帶子粒 , 解凍後加胡椒粉 , 鹽少許醃一陣 .
先用少許油炒熟帶子粒後盛起 , 再落油加蒜鹽炒熟露荀後將帶子粒加入兜亂即可上碟 .  
  

2009年6月28日 星期日

三文治 先生

2009年6月28日下午3:00公開累積瀏覽 561 29

 闊別多時嘅三文治先生返咗嚟喇 !      ( 有製作過程 )

   N N N 年前係中環某間sandwich shop食過呢款三文治 , 覺得好好味 , 自此之後我每次到中環都會留肚去食番一件 , 可惜幫襯咗幾年後 ,唔知點解佢轉咗手俾人做 , 而嗰班接手嘅居然連咁簡單嘅sandwich 都可以做到不知所謂 , 真係有誠意同冇誠意做出嚟食物真係可以好大分別 , 而我哋亦都冇再去幫襯過 , 可能佢以經接完再接 , 玩完 .   之後我亦會間中喺屋企整番轉嚟食 .   見今日成日都落雨唔想出街搵嘢食 , 一於整番個三文治先生咬吓先 !   

   

  材料 :  去皮方包 , 芝士片 , 火煺片 , 黑椒碎 , 蛋液 , 芝士碎 .

( 入爐用200度焗10分鐘或見芝士溶化即可 )

2009年6月26日 星期五

香草煎魚柳

2009年6月26日下午9:31公開累積瀏覽 252 31

魚柳條切件用少許鹽 , 胡椒粉 , 香草 , 檸檬汁 , 拌勻後醃10分鐘 , 再加生粉拌勻 , 用橄欖油煎香兩面即可 .
   

牛柳拌魔芋絲 : 魔芋絲用凍開水沖洗凝乾水後加調味拌勻放入碟中 . 牛柳一塊切條 , 用黑椒碎 , 醬油醃15分鐘落鑊煎熟 , 後放上魔芋絲面即可 .   
 





2009年6月25日 星期四

洛神花茶凍

2009年6月25日下午1:51公開累積瀏覽 685 39

  之前喺米芝蘭度見佢整嘅苿莉綠茶凍

 覺得唔錯 , 所以就去買嚟試吓 , 可惜我買唔倒綠茶凍 , 嗰度只有咖啡凍同洛神花 , 最後買咗洛神花茶凍嚟試吓 .  

紅色嘅洛神花係咪好靚呢 ? 淡淡嘅香味 ,  食落味道有啲似利賓納 , 幾得意 .   
   

 甩模都幾易 .    
  

  一盒就可以整倒咁多 , 都幾抵 ! 
   

   米芝蘭話 苿莉綠茶味好味 , 下次再買嚟試吓 !
  

2009年6月24日 星期三

蝦醬蒸排骨

2009年6月24日下午9:32公開累積瀏覽 134 15

蝦醬蒸排骨 ~
 今晚 咗 "大澳" 嘅蝦醬嚟蒸排骨再加鮮腐竹做底 .

香濃嘅蝦醬加清淡嘅鮮腐竹 , 一濃一淡真係好夾 .

  


   

2009年6月23日 星期二

馬蹄竹蔗水

2009年6月23日下午12:05公開累積瀏覽 203 14

馬蹄竹蔗水 ~
  每到夏天我嘅"愛心媽媽"就必定會煲"馬蹄竹蔗水"俾我哋飲 .

好清甜嘅蔗水最啱熱辣辣嘅夏天飲 , 真係透心涼 .


  

鮮茄荷包蛋

2009年6月23日下午10:25公開累積瀏覽 218 8

 開始要自己食清淡啲 , 發覺自己越嚟越肥 , 脂肪就越嚟越多 , 如果再唔趕佢走 , 我怕好快要趕走嘅係至愛嘅甜品 , 蛋糕 , 曲奇餅 , 牛扒 , 豬扒 , 海鮮 , 鮑魚 , 龍蝦 , 意粉 , 乜乜物物.....我知你哋都唔想離開我 ,  為咗我哋永遠都可以一齊 .    我決定要減肥 !
    嚟個.  鮮茄荷包蛋 .   ( 食哂啲茄 , 食哂啲蛋白唔食黃 ) 
  

再嚟 .  芽菜仔炒魚條 .     ( 芽菜高纖 , 魚片低脂 ) 
  

記住要 " 流心 "

2009年6月23日下午10:39公開累積瀏覽 711 32


流心芒果布甸 ~ 食譜


 做咩事都梗係要"留心" ,  如果唔"留心"又點會做倒好嘢出嚟呢 .  
   今  日發覺做 "芒果布甸 "都要 "流心 " 先至係最好 味嘅 !  由而家起我以後做 "芒果布甸", 都一定要 " 流心 ".


(多謝 darling 好介紹 )



未 切開前 , 冇乜特別 .  


      切開後  ,  睇倒嘛 ,  睇倒嘛 .    
 
      再睇清楚啲 , 流緊出嚟喇 !
  




先預備一個超大水仙芒起肉切粒,分成120g同450g,1個檸檬汁。

芒果流心材料及造法:
450g果肉加1個檸檬汁同100g三溫糖打成果泥。

因芒果種類及甜酸不一,所以要遂少加入糖份調味。

打成果泥後要先試味,是否合適再加糖份,千祈唔可以加水。

然後將果泥倒入矽膠模內,放入冰箱,雪至凝固。

取出然後甩模。

切成小方丁,放回冰箱待用,用剩的方丁可存保鮮盒,放冰格留待下次用。

芒果布丁材料及造法:
芒果味啫喱粉45g

魚膠粉6g

花奶200g

果肉120g

將啫喱粉同魚膠粉拌勻,然後用200g熱水開溶,略放涼後加入果肉及花奶,溶器(4oz杯4個)盛入半杯布丁糊料。

放入冰箱雪約5分鐘待面頭已凝固,放上一小粒芒果流心方丁在杯的中心位置。

芒果流心要放正整杯的中心位置,頂部亦要預留空間。

然後倒入餘下的芒果布丁糊料,先放入冰箱雪5分鐘急凍,然後放回下格再雪至凝固,大約4小時。

取出甩模。

2009年6月22日 星期一

素牛肉拌魔芋絲

2009年6月22日下午10:00公開累積瀏覽 94 20

  
 今日去咗飲茶行街 shopping , 所以冇時間整餸 , 唯有整個懶人餐 , 素牛肉拌魔芋絲 .


 
   鮑片扒生菜 . ( 尋日食完真鮑魚 , 今日就食番個假鮑片 ,  中和番個荷包 . )
   

2009年6月21日 星期日

鮮蝦, 鮮果沙律

2009年6月21日下午2:35公開累積瀏覽 135 14



為慶祝今日"父親節" 先嚟一個 "鮮蝦鮮果沙律 " 為大家消吓暑 .


祝 : 所有 blog 友都有好多好多個開開心心嘅"父親節" .
  


炆鮑魚

2009年6月21日下午10:00公開累積瀏覽 1616 23

  兩個人慶祝 " 父親節 " ~ 炆鮑魚 ( 食譜 )
 好多年前開始已沒有為"父親節"而大事慶祝

只因我們兩個人的爸爸都不在了

這些年來我們都靜靜在家渡過

 雖然不能再與"父親"一起慶祝

但只要心中時常想起以往一起嘅點滴

雖不在身邊但仍然活在我心中 , 腦中 , 記憶中 .


今天做美味一點 .   燜鮑魚  

   再嚟一個日式湯麵 .
   





炆鮑魚 食譜 :



材料:


新鮮鮑魚         1

                   8 (拍開 , 分兩份)

  幾棵         (1 )

鮑魚汁            1大湯匙 ( 美味棧鮑魚汁 )

              1 湯匙

              1   (20g )

抽               1茶匙

玫瑰露酒        1茶匙

                   500g



做法 :

1 . 先將鮑魚用生粉抺勻再用刷刷洗乾淨


2 . 燒熱一煲水滾起後落4片薑 + 蔥後落鮑魚15秒熄火


3 . 將鮑魚起殼去隨所有內臟 再沖乾淨


4 . 用一個炆煲落半湯匙油燒熱後落薑片爆起然後落鮑魚兜勻後濽酒


5 . 將鮑魚汁 蠔油 生抽 水一拚倒入煲內拌勻


6 . 滾起後轉中至小火蓋上蓋炆30 – 45分鐘


7 . 見鮑汁炆至淨約1/3杰身即可熄火焗3小時以上或一晚食會更入味    


* 特別鳴謝我老細教我這一個簡單去鮑魚殼方法 快 靚 正呢  *

2009年6月18日 星期四

黑椒洋蔥牛仔骨

2009年6月18日下午9:40公開累積瀏覽 183 37


黑椒洋蔥牛仔骨 ~ 牛仔骨加上黑椒碎 , 蜜糖  , 生抽 , 少許生粉醃好再煎香 .  洋蔥切條用老抽炒香 .
 再將兩樣混合回鑊兜一陣 目的係要令到兩者嘅味道混合更加好味 .
   


    再嚟一個蒜茸炒油麥菜 .  
   

2009年6月17日 星期三

木瓜鮮奶


2009年6月17日下午5:58公開累積瀏覽 99 8


用咗夏威夷木瓜 + 高鈣低脂奶  =  好味 , 有益 .

  

合桃糕

2009年6月17日下午6:15公開累積瀏覽 70 8

合桃糕 ~
  今日打開櫥櫃檢查睇吓有咩要貨要補 有咩要清貨就發現唔知幾時買咗盒"合桃糊"

雖側未過期 , 但又唔想放咁耐

呢排天氣鬼咁熱冇理由仲煲糖水食架

想熱死自己咩 . 諗呀諗 . 不如將佢整凍糕食咪得囉   

所以就整咗呢個合桃糕喇 !




2009年6月12日 星期五

營養晚餐

2009年6月12日下午9:59公開累積瀏覽 295 40

是日晚餐 :


 A .    鮮茄煎豬扒
  

B . 再嚟脆煎鯛魚柳
  

    C .最後 金銀蛋莧菜
  

2009年6月10日 星期三

脆煎鯛魚柳

2009年6月10日下午9:16公開累積瀏覽 105 27


    鐘意食魚 , 但係我怕魚腥味同打鱗片 , 有人就怕會啃魚骨 , 所以好多時只會買"魚柳來煎 . 今日喺吉x島試食呢過 "鯛魚柳 " , 感覺肉質唔錯就買嚟做晚餐 .   
 

   再加個蒜鹽炒露筍 :
 

    香煎蓮藕餅 :
 

2009年6月8日 星期一

哈 , 蝦 , 哈 , 蝦

2009年6月8日下午9:50公開累積瀏覽 292 30

哈 , 蝦 ,  哈 , 蝦  :

    蒜香牛油炒中蝦 . 

   

    材料 : 海中蝦 , 蒜茸 , 牛油 .

2009年6月5日 星期五

Fruit Tart

2009年6月5日下午7:33公開累積瀏覽 250 30

 Fruit Tart : 食譜

  今日整咗個簡單嘅 Fruit Tart ,  只有芒果 , 藍莓 ,  

  撻皮推得唔夠薄 , 不過都好鬆脆 . (似唔似太陽花)
  

  
  

    撻皮   材料 :

   麵粉  160g 吉士醬 :   吉士粉   1湯匙
   蛋黃       半隻    淡忌廉   100g
   糖粉        40g 糖   1湯匙
  淡牛油        100g   
  吉士粉加淡忌廉, 糖煮至杰身, 放涼備用
  呍呢嗱油     幾滴


  做法 :  

1,   牛油 , 糖拌勻後加入蛋, 呍呢嗱油 , 再拌勻
  2,  加入已篩嘅粉搓成粉糰 , 後放入雪柜雪二小時備用
  3,   取出粉糰搣出一糰約乒乓球大小, 放入模中間用手指向撻邊
   沿邊壓推開 , 後將多餘嘅沿邊推走 .  用叉在撻中心刺孔
  5,   預熱焗爐用 200度 焗15-20分鐘   (個個焗爐唔同 , 最好就睇火)
  6,   將吉士餡加入撻中心再加上生果後放入雪柜雪1-2小時食會更好味 .  ( 想靚啲可掃上果膠在生果上)
  (如果唔係即日食可在撻底先掃上朱古力醬或果膠 )