回鄉渡假 ~ 泰國遊 day 1

24 - 9 - 2013

Yeah  ~ 我又返咗鄉下喇

 

好彩日子擇得好未被隻小天兔打亂可以順利起飛順利到達

今次回鄉又住番我老細指定呢酒店( ( Pullman Bangkok Kingpower )

近呢5年我哋都住咗呢間酒有4次喇 =.=；

因為老細喜歡呢間酒店環境空間夠大，自成一閣得嚟又靜中帶旺

由酒店步行出BTS 站只需約5分鐘（ 仲有個小型商場 )而沿途大街有好多地道食店與街頭小食（啱哂喜歡食街頭Buffet 嘅我哋）^0^

所以再住呢間酒店令我感覺好似返咗別墅 ( 發白日夢中 ) ~ kakakaka

可能酒店有我哋以往日住記錄知我哋要求，所以職員為我哋安排咗個望泳池景嘅房（雖然唔係高層但景觀唔錯，我鐘意呢）^^

入到房仲發現有份好精緻嘅朱古力放在小抬上 ~ 好窩心呢 ^^
 

放低行李後老細已急不及待要出去醫肚，再掃咗啲小吃返酒店食飽飽再睡一睡差番電再出擊！

 

嘩，睡了約兩個鐘起身打開窗簾發現原來下了一場大雨（ 好彩我哋起身後雨已停了）

不過老細怕再落雨所以晚餐喺酒店附近嘅泰式餐廳搞掂，飯後再行下商場同附近嘅小攤檔就回酒店hea 了。

 

 

 

 

一年容易又到中秋

Hanhan 祝大家中秋節

開心又快樂！

大家今晚有咩節目慶祝呀？

我就要返外家食飯做節

晏啲又再＂必必蕉＂，今晚又肯定食到肚滿腸肥喇 ~ hahahaha ^0^

襯高興 ~ 奶皇迷你月餅

17 - 9 - 2013

原本今年冇諗住整月餅架

因為實在太多嘢等住我搞 , 淨係呢個9 月已經有7個飯局 =.="

仲未計同朋友食晏嗰啲，月尾去旅行前又要搞埋啲濕碎嘢先

所以今年冇諗過整月餅，反正朋友們已經送咗兩盒月餅比我哋 ( 肯定食唔哂 )

點知比blog 友仔may may 整嘅靚爆奶皇月引到我即刻心癢癢，手痕痕 tim

又見自己未整過焗嘅月餅 （ 之前都係整開冰皮月 ) 又好想試下 ^0^

第一轉跟咗網上個新食譜整，可惜焗完出嚟試食後發覺味道冇佢哋講嘅正囉！

  加上第一次玩焗月餅，火候 技巧未能掌握到，所以效果一般 T^T

事後檢討，再向may may請教，再嚟笫二cake 

呢一轉印模效果尙算理想，不過火候仍未掌握得準，有啲過火了 >.<

可惜家中材料已盡加上真係冇多餘時間比我再挑戰

明年我一定會再出戰 ~ 嘿嘿 . . . . . .

紅豆豆漿布丁 ~ 食譜

16 - 9 - 2013  ( made )

每次有 party 我都會預備啲小甜品 比大家品嚐

如果有時間嘅話我就會整啲覆雜啲嘅

但係冇時間的話 我就會整啲簡簡單單 快 靚 正 嘅 ! 

呢個紅豆豆漿布丁 就係我嘅簡單 選擇之一

 貪佢簡單 , 易整又好味

淡淡嘅豆香 配甜甜嘅紅豆蓉 真係好 夾嘅呢 ^0^


* 呢排成日"犯罪" ( 飯聚 ) 所以要不停咁做甜品 呢 ~ hehe  @.@






紅豆豆漿布丁 ~ 食譜


特濃鮮豆漿            200ml ，300ml

淡忌廉                   125ml

鮮奶                        75ml

魚膠粉                   8g. + 兩湯匙水座溶

紅豆蓉                    隨意


做法：

1. 將200ml豆漿加熱，然後 +入鮮奶，淡忌廉再煮至出煙

2. 將魚膠水+入1中拌勻離火

3. 將300ml豆漿+入1中拌勻然後過篩然後輕手倒入模中放涼入雪柜雪一晩


*將豆漿倒入模時記得隔去泡泡先*



 

椰青糕 ~ 食譜

14 - 9 - 2013

尋晚有朋友上嚟食飯 , 所以我又整咗啲 飯後甜品比大家品嚐

其實呢個甜品之前已經整過 , 不過懶筋起 冇擺上嚟

朋友們食完後大讚夠清香 ~  LIKE 呀

仲即刻問我攞食譜 

見橫掂要寫開食譜 send 比佢 , 所以順便 save 起 copy 埋落呢篇 blog 比大家參考 

有興趣嘅 blog 友可以試吓整吖  ^_*   





椰青糕 ~ 食譜 by hanhan

椰青         一個  
冰糖        80g
大菜        10g (可用洋菜粉代替）
清水 + 椰青水    =1000ml

做法 :

  1 . 劈開椰青 , 將椰青水倒出留起備用 ,  然後用薄匙羹將椰青肉刮起切幼絲用食用水沖一沖淨備用

  2 .椰青水+冰糖+大菜煮溶滾起後 然後過篩

 3 . 放至微溫後入模，然後 +入椰青絲再放涼入雪柜雪凍即可

* 我用咗呢個小工具嚟刮椰青肉 , 只要輕輕一刮就可將肉刮起 *

注意 : 如果椰青肉黏有穀碎 記得用小刀片走 再切絲   

香草蒜蓉牛油炒花甲

11- 9 - 2013 ( 食譜 )

呢排啲海產 真係好平


早前就不停 買 鮑魚炆 

跟住休魚期一過就 輪到蟹蟹平 

呢排就輪到啲貝殼類

今日喺街市 見倒啲花甲 賣 $16一斤 , 好抵食呀 ^^

叫魚佬 秤咗一斤 , 見有一大袋以為好多啦

點知去半殼後原來都唔係好多咋 ( 可能我貪食 所以覺得好少 ) hehe

今次用咗個新整法 > 用香草蓉牛油嚟炒

食落又幾有意大利 feel 喎 ~ haha

早知就煮多碟意粉拌食啦 ^^



香草蒜蓉牛油炒花甲 ~ 食譜

材料 :  

花甲             一斤

香草蒜蓉牛油醬   一大湯匙

鹽               少許

做法 :  

先將 花甲沖一沖水

 

然後燒一鑊熱水 , 水滾後落花甲焯至開口即離火

 

隔去所有水份 , 然後撕去冇肉嘅半殼 

 

用中火落香草蒜蓉牛油醬煮溶 + 少許鹽 然後落花甲兜勻 即可上碟

.

香草蒜蓉牛油醬 ~ 做法

有盬牛油     1件

 蒜頭           3大粒

香草           兩大湯匙     

1.牛油放軟

2.蒜頭去皮去的然後打成蓉

3.然後將香草，蒜蓉加入已放軟牛油中拌勻

4.拌勻後放入用熱水消毒過嘅食物盒盛好

放雪柜

*整好一盒蒜蓉醬放雪柜可隨時用於塗麵包，炒意粉*

松葉蟹肉 PIZZA

5 - 9 - 2013 ( made )

早期喺 美食博覽 買咗包 松葉蟹肉

好抵呀 , 原價$200 , 0架 0架 先生 收我 $150 咋 ~ 呵呵

今日拎咗1/5 出嚟溶雪解凍 整 pizza 食

仲加咗啲蝦仁 ,紫洋蔥 , 蘑菇

原本仲想加啲粟米粒 同 菠蘿 架 , 點知原來已經用哂

不過淨係呢幾樣材料已經將個 pizza 堆到成個小山邱咁高 ~ 哈哈 . . . . . 

搞掂 , 食得 ~

 

 

 

諗住佢係急凍蟹肉碎 味道可能麻麻哋 , 點知食落都有蟹肉味 ok 喎 !

 

 

 

 

* C 啞虎 我早幾日 click 咗比佢備份 , 第二日已經收倒 mail 通知 話我嘅備份已經完成可以去下載

點知我載完出嚟睇吓個檔案 裡面係吉嘅 ! ! !  乜都冇 *0*

初時我仲以為我部 手提電腦冇解壓程式 , 又走去安裝番

點知再開又係 0 >.<

搞咗我成晚都搞唔掂 , 最終再send 咗個 msm 話比 啞虎 知咁嘅情形

今日再收倒佢嘅 mail  > 原來係佢哋號系統出錯 , 叫我再去重新做過 備份 @.@


真係比佢反 C  ;>.<;

楊枝甘露 ~

迷失了 ~@.@

blogger , g+  夠竟有無分別 ?

係相連 共通 , 還是獨立個體 但可以互通 ? ?

點解我會咁問 ?  因為我發覺我嘅網頁面click A  同我喺 yahoo blog 差不多 ,  成個版面係自己 網誌

but 另一個頁面 B 就係blog 友仔喺其他blog 友嘅網誌上留言而彈出嘅 blog .
搞到我成日以為喺自己嘅 blog 友出咗 blog , 但一click 入睇發覺原來入錯屋 ><

另 1 > 有 blog 友想喺我嘅網誌上留就要打篇碼先可以留言 , 何解呢 ?

 另2 > 仲未識簡單法去 遊 BLOG , 請各位 BLOG 友見諒 見諒

係咪因為我用咗 blogger 又用埋 g+ 所以先咁混亂呢 ?
還是我 set 錯嘢 搞成咁 ?
又或是 google 嘅功能說你咁 ~ ~ 混亂 呢 ?

好想 google 有真人教學 , 教我整一個簡簡單單又易用嘅 blog 呀 T^T



甜品 ~ 楊枝甘露

比呢個 BLOG 玩 C 了 , 行開下整個甜品食 醒醒神 再繼續 博過

中秋將近 啲碌柚特別甜  , 用嚟整甜品 真係糖水都唔使加

我冇用西米 , 反而加咗水晶珠 鍾意佢通透得嚟咬落脆卜卜 好有口感呢  ^0^ 

閱讀完整內容顯示較少

夏日涼浸浸 ~

七彩冷麵 ~

3 - 9 - 2013

呢幾日掛住同間新屋裝修 都冇時間整嘢食

尋晚摷咗呢包七彩冷麵整嚟食 , 配埋日式麻醬 , 蟹柳 青瓜絲食真係yummy yummy 呢 ~

* 記得第一次食呢隻冷麵係兩年前 blog 友 mei 送嘅伴手禮 , 之後發覺 sogo 有得賣我就耐不耐都去買番包整吸食 , 鍾意佢有啲色彩夠靚靚 ,視覺享受呢 ~ *  



今日繼續 搞 搞 搞 , 捐窿捐隙搵 Setting


有好多 blog 友相請番 , 不過有部份就仲未相遇倒 

我已經 copy 咗佢哋呢度嘅部地埗然後貼上 , 不過唔知點解都係 add 唔倒佢哋嘅 , 何解 呢 ? ? ? 

blogger 同 g+ 其實係咪相連 ? 還是係分開兩樣嘢呢 ? ?


仲有就係發覺啲版面好古怪 , 同一個 post 喺A 版面可以直接留言 , 但係一 click 入B 版面留言就要打篇碼 ? ? ?

食啲嘢先一陣再 煙酒 煙酒 吓 . . . . . . . . . . . !

繼續 ~ 執屋 ~

Pizza Rose  ~

1 - 9 - 2013

仍然摸索中 ,  基本嘅 Setting 都算叫做搞掂 

But 有好多功能仍了解中  

Banners 張相覺得太大了 想將佢縮細啲  但係又搵唔倒條路入去將佢縮番細啲 ~ 激 c ><



呢個 Pizza Rose  係前幾日整架 , 不過因為太忙 (其實係懶筋起 ) 所以冇擺出嚟 , 而家補番 ~ 嘻嘻

 

新居

1 - 9 - 2013


又要搬屋真係好煩，要重新裝修，擺設，摸索，建立人際，唔知要搞幾耐先適應倒呢？


今日整咗個＂芒果布甸拼盤＂食完抖下再努力去摸索！