2014年12月28日 星期日

與好友去嘆茶


2014-12-28

好朋友回港渡假更係要聚一聚 88近況啦!
我哋相約到'102天龍軒'high個中式tea^^
早一日打電話去book 枱時侍應告知當日booking已經ful哂l冇枱喎!
好彩朋友人面廣 打了一個電話就搞掂!
當日去到侍應好有禮貌地引領我哋到窗前的海景枱(可惜當日天色灰白,景觀一般)
首先我哋各自點茶,朋友點了香片,我點了玫瑰花花茶(喜愛佢嘅花茶香而不濃,朋友試過後都讚好最後連自己壺香片都放棄要飲我壺花茶haha )^^


選擇點心時由於我哋胃口細 但樣樣都想試 所以最後點了 》
西班牙黑豚肉叉燒 (每人兩件)
雖然蜜味重了些 但肉質軟淋 好味
龍蝦燒賣 (各一件)
龍蝦肉夠彈牙 唔錯
燒鵝鮑魚酥(各一件)
撻皮酥香 鮑魚軟淋 味道唔錯

貴妃蚌腸粉(各一件)
侍應介紹話呢個貴妃蚌唔錯 起初都怕佢會腥所以只點了一少件 食落肉質唔腥仲幾鮮味,正!
Xx粉果       (各一件)
忘了全名,味道可以啦
雪影叉燒包(各一個)
面層酥皮夠酥鬆又唔會油淋淋 好味

叉燒腸粉 (一碟)
叉燒唔使講 good ar 但腸粉皮口感可以但欠了點米香

上湯豆苗(一碟)
豆苗夠嫩 唔錯

椰皇花膠燉雞(兩盅)
湯味香濃 花膠雖不算太大塊但都算厚

甜品有》
桂花糕,流心煎堆仔,楊枝甘露(兩份)
流沙煎堆 楊枝甘露比起 桂花糕做得出色好味

食飽飽後同好友繼續坐着喝茶談心 坐到差不多4:30先埋單分道揚鑣 .


Happy Boxing Day

Yeah yeah yeah ~ 今日終於可以同老細撐枱腳喇
今年嘅平安夜因為某個原因加上老細要返工所以取消了預定節目。而聖誕日剛好大姑奶一家從英國回來渡假所以一家人約埋飯聚。
今日拆禮物日終於我兩可以靜靜哋撐吓枱腳食大餐 然後一齊拆禮物^0^

食完晏即刻去買材料回家預備晚餐!
原本諗好買長腳蟹做主菜,可惜去到只淨番幾梳瘦弱殘腳T^T
唯有放棄!
最後買了一些次選就即刻回家開工
由於時間嘅關係 只係煲了個簡單又快趣嘅湯^^
起菜 ~ 
Boxing Day 套餐有 >
葡萄酒
忌廉南瓜湯
茜蘭花芝士松露醬焗闊條意
主菜》鹿肉 配 牛油煎龍蝦、帶子、酥皮薯蓉卷
甜品》broken glass jello 


 食完豐富晚餐後 再清理現場完畢就開始拆禮物囉 ~ hohohoho 

多謝所有朋友 blog 友 家人 送給我們的禮物 聖誕咭與祝福 thx so much much much much ^0^




2014年12月25日 星期四

祝大家聖誕節快樂!

話咁快又到聖誕節喇
祝大家聖誕節快樂 新年happy !

今日原定節目因為某個原因所以取消了
我遺變得好得閒,所以全日在家做了兩個朋友order 的 Broken glass jello 
另外仲做了一個紫色樹頭蛋糕
哈哈 其實都唔知算唔算係樹頭 
因為原意係 但最終因為屋企冇哂 '豬膏甩'所以做唔倒樹皮 唯有用甜忌廉頂上^^
更用上紫色嘅色膏加入忌廉打成 成個樹頭即時變得好浪漫呀 呵呵 ~ 

2014年12月22日 星期一

2014年12月8日 星期一

椰子 杞子 竹絲雞煲栗子 (食譜 )


天氣開始凍 我的湯水部又要運作喇!
整整一個夏天都冇乜煲過湯(熱到冇意慾飲湯)
但天氣一涼我就會有想飲湯嘅慾望
尋晚突然諗起了這個湯
 嘩,好想飲呀!
今日即去街市買齊材料整番煲靚飲吓先
以往我只用竹絲雞 椰子 杞子 呢三樣材料去煲 , 今次加埋栗子去煲 整煲湯都特別甜潤 ^^



椰子 杞子 竹絲雞煲栗子 (食譜 ) by  Hanhan

材料 :
椰 子      一個(水份留起備用)
杞 子      兩湯匙 (浸軟後去水備用)
竹絲雞   一隻 (可叫雞檔代去皮)
栗 子     半 斤(用熱水烚3分鐘然後去衣)

做法 :
1. 先煲一大鍋水
2. 將雞沖洗去清內臟
3. 椰子肉切條後沖洗乾淨備用
4. 水滾後將 雞 ,椰子肉, 栗子 一同下鍋用大火滾1小時 後轉中火煲45分鐘
。然後加入椰子水再煲15分鐘 之
後再加入埋杞子煲多15分鐘即可加鹽調味



2014年12月5日 星期五

結婚N年紀念日


尋日係我與老細的結婚週年紀念日^^
原本想一早出發去遊新界夜晚再搵食慶祝
可惜天公不造美,整天下雨 又凍喎!
搞到冇哂mood ><
晏晝只係喺屋企附近飲茶
黃昏先再出去又一城行街 買蛋糕 食晚飯

Dinner ~ School food 
想試呢間好耐 見佢最近在又一城開了分店(正,近我家)所以拖老細來些吓^^
今天只係閒日但我哋都等咗成粒鐘先有位=.=;
用餐時限只有75分鐘 坐低後即刻點菜(其實心中已經有想點嘅菜)呵呵~



烏卒卒(墨汁墨魚壽司)
飯卷內嘅墨魚甜而不韌,好味

紅葉花卷
用紅頭菜將飯染紅包着蟹柳肉






















卡邦尼年糕
西韓混合而成嘅年糕 感覺特別 但醬汁比較漏

牛肉餡餅
薄餅包上帶少甜嘅牛肉碎 仍然食得出牛肉嘅香味 正

細份量炸雞
炸粉厚了少少 但雞肉夠嫩滑 唔錯

原本想試試佢哋嘅特飲 可惜老細想飲酒 所以沒有試(留番下次再次)hehe 

食飽飽都已經接近十點 埋單後去了simplylife 拎蛋糕

今日行勻成個商場都買唔倒心中想要嘅蛋糕
(我想買一個細細哋蛋糕,但所有蛋糕店只淨番'8'以上嘅大蛋糕)
最後上了simplylife 一眼就看見這個鋪滿花花好漂亮嘅蛋糕 即買^0^
蛋糕外表漂亮 內裡層次分明 食落有淡淡嘅玫瑰花香 好清 好味 ^^



2014年11月21日 星期五

台式紫薯花花芋圓 ~ 食譜

手殘了半年有多 最近終於有好轉
多得朋友介紹的推拿師
雖然未完全康復,但起碼已經可以用倒力握緊權頭
但都要盡量避免拎重物 與 長時間做同一動作太耐 , 例如按鍵盤打字 , 用打蛋器等 .

手傷期間耐不耐都有做吓麵包 小食等不須太用手力嘅止吓痕

最近見手傷都開始有8成復完 已經心癮難耐開始復工,密密入廚整嘢食

上星期就做了這個 台式紫薯芋圓
我仲貪得意用花形模吸出一朵朵花花
效果唔錯 朋友們大讚靚靚 ~ 呵呵











2014年8月12日 星期二

Twelve cupcake 新口味迎佳節


今年嘅中秋節大家購買月餅又多了一個選擇喇!

Twelve cupcake  推出了四款中秋節特別版 Moon cupcake

多謝 林小姐 嘅邀請 為食 hanhan 又可以率先試食 為大家介紹 ^^



造型可愛獨特 ,有雲中月亮 ,月中兔 與中式印花。
四款不同造型口味也各有特式 , 分別係 紅莓朱古力,士多啤梨雲呢拿,特濃咖啡,伯爵茶。



Cupcake 內裡造型就如中式月餅一樣 有個少少咸蛋黃(當然唔係真嘅咸蛋黃啦)但好可愛呢 ~ 
再配上一杯 Twining 花果茶 帶出食物和飲品本身的多層次味道感。




所以 Twelve cupcake 特別推出 moon cupcake Packag 
包括有4件moon cupcake , 1set4包Twining 果茶包,2張1件裝cupcake 換領劵 。
快快為親朋好友送上這一份特別心意!




早買有優惠 :
Moon cupcake Voucher 原價要$190
8月31日或之前訂購 可享85折優惠 ($161.5)
9月7日或之前訂購 可享95折優惠 (180.5)


2014年4月22日 星期二

日式蛋包飯^^

20 - 4 - 2014



話咁快又到復活節 幾日假期大家有冇去玩吓呀?
我就慘啦 原本可以去日本玩 但老細公事煩忙唔行得開 所以搞到我都冇得去T^T
更慘嘅係仲要病埋呀陰公 !

呢幾日只係食薬,食粥,食麵包同瞓覺渡日真係dry 爆>.<
閉関幾日總算趕走病魔,今日有番啲精神同胃口可以同老細出街食晏順便去超市買番啲肉做晚餐
(幾日冇肉到肚好掛住啲肉味呀,更加掛住去了日本玩嗰幾條友)T^T
所以買了一些食材做一個日式晚餐慰藉下心靈先 〜 

主食
 Jumbo 版 日式蛋包飯
呢個蛋包飯我用了3隻大雞蛋+鮮奶煮,另外用了一杯米煮好成飯再加3條蟹柳,少許粟米粒炒好拌勻,完成後嘅蛋包飯足有8吋長 仲撐爆肚( 露飯呀) hahahaha


再嚟一個 豚肉煮
我用了美國黑豚肉片, 洋蔥,本菇 + 味淋,日式醬油,少許冰糖煮成。
簡單又美味^^

加多個清清哋 煙三文魚沙律菜


呢個復活節假期到了尾聲我都總算有餐似樣嘅落肚!

2014年4月16日 星期三

高雄台北 之旅 - 2014

9 - 3 - 2014

是日天陰,間中有微雨
(冇再落大雨已經算萬幸)可以作最後沖(廁)〜 

第一站去了(大安區)忠孝敦化站3出口找 度小月 食蚵仔酥^0^


不過唔知點解呢碟蚵仔煎啲蚵仔好黑,記得以往食開永康街店嘅唔係咁,不過都好味^^
仲有擔仔麵,擔仔米粉,土豆豬腳. yummy ^^
 食完嘢坐一陣就埋單出去遊蕩下!




呢條街除了有度小月,仲有鼎泰豐,又有武藏拉麵同其他食店
好喜歡蕩呢類小巷好有曰本feel ~ 

蕩完街又去了商場遊蕩先再回酒店附近嘅 咖啡弄 high tea  ^0^

咖啡弄 在台灣有好幾間分店,呢一間就在我住的酒店附近~ 方便呢
香港嘅分店要排餐C先有得食,呢度好好多,我哋上到去都唔水排隊就有位,正!

我哋一坐低服務員就跟我們説每枱客人限時90分鐘後要交枱(夠哂時間食啦^^)
另一重點> 係每位客人都必定要點一杯飲品 ~ 這個當然沒有問題啦,因為佢哋嘅飮品款款都好吸引哦

佢哋嘅餐牌仲好精緻就如一本雜誌一樣,食物同飲品全部都好吸引 ~ 我嘅選擇困難症又出現喇>.<
揀呀揀,諗呀諗,最後決定(係老細決定)選擇了> 
冰美式摩卡咖啡,Oreo 沙冰,香蕉巧克力冰淇淋鬆餅,現烤燻雞吐司披薩。

嚟喇,嚟喇,上枱喇!佢哋嘅食物同飲品份量都幾大,又好味,樣樣都好味,價錢又唔貴埋單都只係台幣$620+10% 巧鬼抵食哦^^




食飽飽老細又被瞓魔急call 要回酒店睡一睡,我就獨自去了行地下街行商場"濕平"。
行夠了就回酒店放下戰利品抖一抖再到西門町作最後衝刺 ~ 食呀

今日都總算好彩,夜了沒再落雨,可以由酒店蕩去西門町
一到西門町商圈第一時間去揾雞 > 繼光香香雞^^
買了一份大雞邊行邊食,再到老天祿買手信
又去了食鴨肉扁1/4隻+米粉(一人一碗)好味,飽飽


食完再打包半隻鴨肉扁(真空包裝嘅呢)帶回香港再食^0^

飽餐一頓後又再行街街,西門町真係越夜越熱鬧
人多到好似去了旺角(都係國語人粵語人,少許其他國籍人士):目
十點一到仲多了好多小食攤檔在路中心擺賣(至like 呢)^^
行完街又可以掃多轉回酒店做宵夜~ haha

今晚係今次行程最後一晚在台北,明天就要走了,要再啤啤佢先瞓得著
今晚試埋柳橙味,芒果味^^

試哂4隻果味啤個人認為最好味係葡萄味,柳橙味,芒果味都好,反而菠蘿味一般
呀,好想買一箱帶回香港呀,但老細即刻話我 > 儍架妳,點拎呀!
>.< 點拎?咪用手拎囉,仲係要用你對手拎囉 > (更加之唔睬我)T^T


                                                Day 5 The End ~