2009年10月31日 星期六

韓國翠玉瓜炒牛柳

2009年10月31日上午1:00公開累積瀏覽 140 17

  韓國翠玉瓜炒牛柳  ~

    早幾日見倒卜友仔 " 米芝蘭 " 話呢隻翠玉瓜好好味  勇於嚐試嘅我梗係去買嚟試吓  
        呢隻食落真係幾清甜 , "米芝蘭"妳真係冇介紹錯呀
        

               就係佢喇  
               

                再加一包牛牛 , 用嚟切條炒
                                 

2009年10月29日 星期四

粟米雞球

2009年10月29日下午9:15公開累積瀏覽 399 19

     粟米雞球 :  係老細今晚嘅指定菜式 .  

           講漏咗 , 今次我貪心咗落多咗蛋液所以杰咗啲
     



材料 : 雞脾肉一塊去皮去脂 , 切件 , 用少許鹽 , 麻油 , 糊椒粉 醃好備用 .
           粟米湯半罐 加 清水1/3罐 .
           蛋液 1/3 隻 .

做法 :  先將雞件沾上生粉 .
            落多少少油燒熱鑊用半煎炸方式將雞件煎熟至香脆舀起備用 .
            將粟米湯加清水拌勻落鑊煮滾後加入蛋液輕手拌勻至起花後舀起淋上雞件上即可 .   

2009年10月28日 星期三

黑玫瑰糕 ~ 食譜

2009年10月28日下午7:40公開累積瀏覽 1463 32

  之前介紹咗 Rose  Go 俾大家認識 , 得到好評 , 多謝大家都鐘意佢 


今日輪到介紹佢嘅姐妹 俾大家認識 , 佢就係 Black Rose

可能佢嘅外貌冇佢嘅好姐妹 Rose 咁吸引 , 令人一見鐘情

但係 black Rose 就帶有一種神秘感 , 令人好想去探究 了解佢嘅內心 .







佢哋倆姐妹大家會鐘意邊個多啲呢


 

 
如對佢哋有興趣嘅可跟我呢個譜試吓吖  


 
玫瑰花糕 ~ 食譜 by Hanhan
 
材料 :

   玫瑰花乾      10g   ( 先將面層粉紅色葉撕出剪碎 , 份量除意 , 沖一沖水備用 )
  冰糖碎粒      80g   ( 用碎粒會快啲溶 ) ~ 可用黑糖
  魚膠粉         20g
   熱水           300g
   凍滾水        200g

做法

 1. 300g 水煲滾後熄火落玫瑰花乾 , 蓋上蓋焗15~20分鐘至出味 , 然後隔去花乾 & 沉殿物 , 留起 250g 加入冰糖火暖至冰糖完全溶化 .

   2.  200g 凍滾水加入魚膠粉用熱水坐至完全溶化 .

   3. 將魚膠水倒入玫瑰花糖水拌勻 , 倒入模中入雪柜雪15分鐘或感覺開始想凝固就將玫瑰花砰加入拌勻再雪至完全凝固即可 .



      ( 注意 : 太早落玫瑰花碎會沉哂落底 , 所以要雪至開始想凝固才落就會浮面 )  

2009年10月25日 星期日

Rose Go to BBQ



2009年10月25日下午7:30公開累積瀏覽 24 16


  24/10 . 今日帶咗 Rose  Go 一齊去 BBQ 介紹俾大家  , 我鐘意 Rose Go 清幽嘅花香 , 淡淡嘅甜 . 唔知同佢有過肌膚之親嘅人有冇同感呢

                    my name is  ~     玫瑰花糕  
                 

      

2009年10月23日 星期五

蜜味洋蔥牛仔骨

2009年10月23日下午9:30公開累積瀏覽 255 24

  今日喺凍肉鋪買嘢見倒啲牛仔骨都幾靚  就買咗一包 , 順便去菜檔買多兩個洋蔥嚟個蜜味洋蔥牛仔骨
      


  材料 : 牛仔骨四條切件 , 洋蔥切條 .

  醃料 : 生抽二湯匙 , 糖 半湯匙 , 麻油少許 ,  黑椒碎少許 , 生粉半湯匙 .

 做法 :  用老抽炒香洋蔥舀起備用 .
            再落油煎熟牛仔骨 , 然後加入一湯匙蜜糖熜火兜勻 , 再將洋蔥一起加入拌勻即可.
           

2009年10月21日 星期三

秋風起 ~ 食臘味 . 飯

2009年10月21日下午9:45公開累積瀏覽 704 34

   等咗咁耐 終於都等倒我嘅至愛喇 ~ 秋天

秋風起就梗係食臘味 , 為咗慶祝我嘅至愛來臨 , 所以今晚就整番個臘腸冬菇排骨煲 ~ 仔飯 , 慶一慶佢先   
           
  
                       咁耐冇整撑握得唔係咁好 , 只有少少飯焦
                             

      將大火飯煲至開始定形後加入已醃好排骨, 冬菇 & 臘腸 .
       


                       蓋上蓋後轉 - 慢火煲 至聞倒有飯焦 味即熄火焗5 分鐘即可 .
                       
 

2009年10月20日 星期二

煎豬扒菜飯

2009年10月20日下午9:35公開累積瀏覽 333 29

今日得閒又好耐冇整過頭髲 , 係時候要修吓喇  所以今日走咗去剪頭髲 , 順便染埋焗埋油 , 點知一搞就幾粒鐘  搞到冇時間整餸 , 唯有整個快趣有得食嘅菜飯 ( 可以炒少碟菜  快 )  再加多塊煎豬扒 , 就成為呢碟煎豬扒菜飯 喇
 


小唐菜洗淨切碎 , 將米飯煲好一熄制即刻將小唐菜放入飯內拌勻蓋上蓋再按上煲飯制再煲多一次至熄制即可 . ( 喜歡食有味菜飯可加入雞湯代水煲飯 ) 
 
 
  先將豬扒調味醃好再煎熟 , 加埋一齊即成為好味嘅煎豬扒菜飯
    

2009年10月15日 星期四

2009 秋季遊 ~ 酒店篇

2009年10月15日上午12:35公開累積瀏覽 1277 27

  泰國  我嚟喇 ~  


今次上網搵酒店 , 發現呢間酒店好似幾好咁 , 一於就住佢啦 !

 間酒店就係位於呢個 BTS 站附近 , 步行只須5 分鐘就到 , 但係酒店好睇貼住客 , 有免費 "督督" 從酒店車妳出去車站 .   
 

 呢個大 波波就係 KING POWER DUTY FREE .  酒店就係喺佢後面嘅 PULLMAN HOTEL , 因為呢間酒店係 duty free 嘅附屬酒店 , 所以佢哋係孖住一齊 . 而我哋入住其間就係duty free 嘅開業20周年 , 仲搞咗個大型 party  , 不過冇請我去玩  但酒店就送咗啲小小記念品比我哋   有一晚仲有人係酒店搞結婚酒會 ,  仲有着和服嘅日本人出入 , 唔怪得之呢幾日都見倒好名車同着得靚靚嘅泰國人 , 日本人出入啦 , 我諗呢間酒店喺bangkok應該都幾受歡迎 .
  
NN

  酒店嘅大堂好大 , 出面仲有一個大花園魚池 , 可以出去坐吓傾計 , 食煙 , 談吓心
 
 
  
 

酒店泳池喺四樓 , 真係好大好正 .


 

 酒店房都幾大 , 好新淨 

 
   洗手間有企缸同埋浴缸 , 正 .    
   

酒店早餐篇  :  

 

  呢間餐廳好大 , 早餐款式都幾多 , 仲好好味 . 以下就係我哋呢5 日嚟所食嘅早餐款式 , 其實仲有好多我哋都未試勻 .   中式點心味道都唔錯 , 而個白粥仲有好多配料俾妳加嚟食 , 我就加咗皮蛋 , 咸蛋 , 花生 , 豬肉絲, 炸菜同薄脆   
   
 ,
叉燒麵好味 , 我哋幾日都有食 .  自選餡料嘅即制奄列 & 好香好軟熟嘅麥包 .
  

   必食嘅芝士配梳打餅    好甜嘅生果 .
   

 星期日嘅Brunch 仲有小丑 , 熊貓 , 冰雕 同 汽球氹小朋友


其實呢間餐廳嘅 dinner buffet 晚晚都唔同主題菜式 , 有日式 , 意式 , 泰式 ,  sea food ,  BBQ , 仲有 ?? , ?? 唔記得咗 都係 $990 B一位 , 住客仲有七折 . 拆實都係為百幾蚊港幣 , 抵 !  不過我都冇食到 , 下次再去一定會食番次 .