蕃茄乾小餐包 ~ 10 - 07 - 2011
今朝一瞓醒行出廳已經感覺到今日又係熱辣辣嘅一天
梳洗完 再 吸塵 抺埋地 已經出哂汗
拿拿聲開行部冷氣抖吓先 !
食啲嘢 上吓網 又打吓機 再諗吓今日整啲咩好 ~
諗起雪柜有包 朋友 比嘅蕃茄乾
攞嚟試吓整包包都好喎 ! ( 其實係零食嚟架 )
第一次發酵完再造形時 我手痕痕攞咗啲杯仔嚟裝住作第二次發酵
點知一發不可收拾 , 仲發過鼻頭粒暗瘡
唔抖得佢 tim 架 , 唯有焗住 攞去焗
睇住佢哋好似一 嚿嚿 "蘑菇雲"咁 ~ 就爆 就爆
好彩焗完出嚟都唔太樣衰
試食一個 , 唔 ~ 啲蕃茄乾味道帶甜 , 有啲似紅莓乾 不過就冇紅莓乾嗰種微酸味
攞嚟整包包都幾好 唔錯 , 食哂後可以再買嚟整包包 !
沒有留言:
張貼留言