慶祝老細 生日

2011年7月28日上午2:01公開累積瀏覽 1800 34

食 食 食  ~   26 - 27 / 07 /2011


26號係我 老細 牛一 

  祝你 生日快樂 , 身體健康 !

 工作愉快順利 , 年年有人工加 ~ 比我

慶祝生日第一餐  ~

  我哋去咗尖沙咀 嘅 BO-LO'GNE 食晏 同埋行街街買嘢

 

老細 揀咗個 C 餐日式飯 ,  我就揀咗份吉列豬扒包

 

點知個 C 餐嚟到後發覺同 MENU 唔同嘅 ?  問吓個侍應有冇俾錯

 
   

  

侍應回答 話 > 今日嘅 c 餐係呢個日式豚肉飯 + 麵豉湯

老細 問 > 乜唔係餐牌嗰款咩 ?

侍應話 > 我哋嘅 set 係日日唔同架 , 而今日就係呢款

老細話 >咁都得 早知原來唔係餐牌上嗰款我就揀過第二樣啦 !  ~ 無奈地吃了

( 見佢咁無耐我都幫佢口食咗幾啖  )

而我嘅吉列豬扒包 跟一小杯甜品芒果布甸

       

份豬扒包係用佢哋嘅招牌厚切包包整 , 味道唔錯

我食咗半份都覺飽 , 淨有半份比 老細 幫我食埋   

食飽飽後我仲買咗兩斤麵包 返去比 老細聽日做早點 

食完晏我哋喺商場行吓街買咗啲嘢就返屋企放低哂再出街晚膳

因為 老細 鐘意食龍蝦 , 所以佢就揀咗去 竹園 食龍蝦

點知去到後發覺佢嘅套餐食嘅係波士頓龍蝦

(老細 最唔鐘意食波士頓龍蝦 , 佢話呢種龍蝦最冇龍蝦應有嘅爽 甜 & 蝦味  no good 喎 )   

我哋諗住唔食套餐 揀散秤龍蝦食 , 點知佢啲龍蝦全部都係 蝦 BB , 細細隻冇肉食 , 想轉揀食 瀨尿蝦 , 點知都係啲蝦 孫仔 .

放棄 , 決定去第二間搵食 , 點知行咗幾間酒樓都冇龍蝦賣 , 連大瀨尿蝦都冇

最後唯有真係放棄 退而求其次 嚟咗呢間好耐冇幫襯過嘅 永珍 食越南大頭蝦   

我哋點咗 好耐冇食過嘅 炸軟殼蟹 ~ 正

   

 芝士焗大頭蝦  ~  隻蝦都幾大隻肉質都唔錯 , 不過芝士味就咸咗啲, 淡番啲就正哂喇 !

   

     焗釀蟹蓋  ~   呢個味道一般

   

蟹肉蟹柳炒粉絲  ~  呢個味精太重了

   

  老細 嘅三色冰 & 我嘅 椰汁椰青冰  ~ 正

     

食咗餐唔多滿意嘅生日飯 返到屋企抖咗陣就到我為佢預備嘅蛋糕出場喇 ! 

今年 我整咗個朱古力榛子 + 石榴慕絲生日蛋糕比 老細

仲唧咗啲字喺 CAKE 面 , 不過第二晚一拎出嚟發覺啲字溶溶哋仲出水嘅

仲有我都未嚟得切影相 老細已經手起刀落切咗 ~ 個蛋糕喇 

    27 / 07  

見 老細 尋晚嗰餐飯食唔倒佢最想食嘅 所以今晚再同佢出去搵食   

我哋落咗去 深水埗  增輝廚藝 睇吓呢間有冇 龍蝦

      

   

點知去到都係冇 , 但就比 老細 發現佢有大大隻嘅 瀨尿蝦 

終於搵倒佢其中一樣嘅心頭好 , 開心嘅佢即刻埋去揀咗兩隻嚟椒鹽

再點咗個沙拉骨 & 腐乳椒絲生菜

  

  

    主菜出場喇  ~

     呢兩隻蝦真係好大隻 , 仲長過隻筷子架

   

條蝦膏真係仲粗過我隻手指架 , 睇見 老細 終於食到得咁滋味 好滿足嘅樣我都放心哂   

你今年嘅生日飯食足我三餐 , 仲有蛋糕食 又有禮物收 滿意唔滿意呀 ~ 吓 ?