今日陪老細落咗去'鴨記'遊蕩，諗住蕩完後順便去街市買海鮮整晚餐
點知去到街市 見好多檔都賣得七七八八 淨番啲魚毛 蝦仔 （買唔落手），正煩惱買咩整晚餐好嘅時候 途經一檔賣滷水鴨嘅店鋪，老細即刻話》啲鴨睇落唔錯喎 買1/4 試吓囉！
（即時電燈着咗！）都好喎，雪柜仲有半樽泰式湯底 再唔用就過期喇！
一於用埋佢整個泰式鴨肉湯河^^
買完滷水鴨 即刻飛車落埋九龍城 泰國街買 啲肉丸串 金不換 肥嘟嘟芽菜 豬紅 等等 。
今晚呢餐都算簡單 因為全部都係買現食， 只係加少少工就搞掂，一碗美味嘅泰式鴨肉湯河 誕生喇 ～ 嘿嘿
沒有留言:
張貼留言