2012年3月7日下午1:10累積瀏覽 1998 25
今日係呢次行程嘅最後一日, 亦係天氣最差嘅一日
雨落過不停 , 時大時細 , 所以覺得今日特別凍
尋日出街前已經叫服務員幫我哋打電話去訂枱食 巨無霸
點知去完街返酒店時 服務員 同我講話 >
餐廳要我哋喺今日11:00 前先去付訂金先可以食個 巨無霸
我哋去完街返到酒店已經好晏 , 仲要再專登坐車去付訂金先 聽日再去食過
咁麻煩 , 食一餐要走兩轉 , 如果唔好食我實俾人"抦" 喎 !
都係咪喇 , 索性今日先去睇吓 如果有得食就食 冇得食就罷了 ~
執齊行李辦完 checkout 手績後就搭捷運再行去到餐廳門口 昅昅先 !
睇完佢哋嘅餐牌 發覺食物款式都係一般 , 朋友都提意不如去 食第二樣
好彩呢一區曾經嚟過食過嘢 , 索性帶佢哋去食 意大利粉啦 !
今日個什菜湯 ~ 一般 芝士薯蓉沙律 ~ 好味
海鮮 pizza ~ 好味
辣蜆長通粉 ~ ok 海鮮墨汁飯 ~ 正
士多啤梨戚風 ~ 唔覺有士多啤梨味 , 不過都幾鬆軟 .
餐飲 咖啡 ~ 都幾香滑
食完晏後時間都唔早 要返酒店攞行李去機場了
今次安排行程之前 朋友仔 報料告知EVA airline 有Kitty 機來回 TW & HK
即時上網 BOOK 位
可惜 Kitty 機一日只有一班 來回 都係得夜機先有得坐
原本好想 去台北都坐埋架 , 不過咁樣一坐會嘥咗大半日時間 , 實俾人 鬧爆
所以淨係揀咗返 HK 先坐
去到機場柜位已經開始見倒 Kitty 嘅足跡喇
同女朋友仔 滿心歡喜拿拿聲走去搵 kitty 辦 check in 手續 然後不停咁 影呀影
連登機証 都有 貓樣呢
以下嘅貓樣 用品 全部都會喺呢班上出現 架
影完呢度入禁區再影 , 入禁區影完 , 上到飛機又影過不停
登機前 航空公司仲會送一本 貓貓 passport 俾乘搭呢班機嘅客人
裡面已經印咗一個 貓貓印 , 如果乘客儲三條唔同航線嘅 kitty 印仔就可以換禮物
不過我應該唔會儲得齊囉
裡面已經印咗一個 貓貓印 , 如果乘客儲三條唔同航線嘅 kitty 印仔就可以換禮物
不過我應該唔會儲得齊囉
我哋係第一批上機嘅乘客 , 所以先至影倒呢張咁企理嘅機倉內照咋
連嘔吐袋都係 貓樣 , 妳咁靚真係唔捨得嘔到妳一身都係呀
從未試過會喺機上狂影相 , 因為有妳 所以今次真係影得好開心
朋友仔仲話成個行程至興奮就係呢一刻 , 不過美中不足就係影唔倒飛機嘅外貌呀
影完一大輪相後飛機要起飛 lu ~
開始要坐定定 , 玩咗一陣 game 後話咁快又到派餐嘅時候
期待已久了 ~
我哋嘅飛機餐到喇 ~
呢個餐係我 book 機位時 book 埋架
食物有 > 蛋包飯 , 粒粒火煺蛋 , 鮮果粒粒 , 果凍 , 飲品 & 小食
全部都有 kitty 個貓樣 , 連所有餐具都係 kitty 嚟架
去過咁多次旅行食過咁多航空公司嘅 飛機餐
呢餐 飛機餐 真係食得最開心 覺得最好味嘅 ~
我決定以後坐 呢間航空公司 一定要訂呢班機 & 呢個餐
沒有留言:
張貼留言