2012 - 2 - 5 ( sunday )
是日一樣風和日麗 天朗氣清
2012年2月20日下午10:51累積瀏覽 2560 19
嚟台北前睇咗一週天氣報告 話星期一將會有冷風到 , 天氣轉冷仲會有雨
所以我決定襯今日天氣仍好一於落 ~ 基隆
出發前先醫飽個肚仔先 !
因為我哋要去 台北火車站 坐台鐵去基隆 , 所以就順便喺 微風廣場 搵食
原本想帶朋友仔 去食好嘢 , 點知間餐廳 要預早訂定枱 , Walkin 就要等兩個鐘
wow ~ 要等兩個鐘更係唔等啦 , 我哋啲時間咁寶貴
唯有去第二間食 , 唔知係咪星期日嘅關係 , 間間食店都滿座又要等位
迫住我哋求其喺 foodcourt 搵啲嘢食醫飽肚
我哋各自去買咗自己想食嘅嘢 ~ 超級豐富嘅早午餐呢 , hahahaha
老細 嘅至愛 蚵仔煎 + 餃子 ~
好味過 市林夜市 嗰啲
朋友仔嘅滷水拼滷肉飯 + 滷豬手 ~
啲滷味 & 豬手 都好味
我同另一個朋友仔嘅 木桶燒 ~
賣相吸引 又豐富 , 可惜 ~ 唔好味嘅
食飽後就起行 落去車站買票坐火車出發去 基隆
我哋喺 7-11 買咗4 張 悠遊卡一人一張
( 同香港嘅八達通一樣用法 , 可以搭捷運 , 火車 & 巴士 ( 機場巴士除外 )
面值 $500 台幣 , 內有 $100 係按金 , 用完可以增值 , 唔再用可以去 捷運站 退番餘款&按金 )
上車 lu ~ 出發
由台北站 出發車程須時 45分鐘 . ( 同落去 淡水 差不多時間 )
我哋到達 基隆 後一出 火車站 就見倒 一隊人 打哂鑼鼓地遊街 , 仲燒埋炮仗 ~ 好熱鬧呀
睇完人哋遊街 就輪到我哋去遊街喇 ~ 哈哈
我哋四維行吓 睇吓嘢 買吓嘢 先再去廟口夜市 掃街 !
食咗啲 超大粒燒賣 ~ but 唔好食 嘅
好抵 又好味嘅 豬肉鬆 & 肉乾
~ 返嚟後又後悔買得少 
基隆特產 , 整得好靚嘅 花生酥 , 芝麻酥 & 糕點
行完街 買完嘢就去掃街喇 ~ 廟口夜市
呢個夜市 食物款式 以海鮮類為主 ( 因為近海呢 ) 不過其他食物嘅款式都好多
好大梳嘅 蟹腳趾 , 真係超級吸引呢 ~
仲有好多款式嘅蟹
好大隻嘅田雞呀 ~ 驚驚
台式 天婦羅 & 魷魚鬚
滷水 & 炸魚肉卷
三兄弟 豆腐花 炸雞件
我 老細 一嚟到就第一時間就去搵佢嘅至愛 ~ 腳趾 ( 帝王蟹爪 ) 食
燒帝王蟹 蟹爪 ~
串燒蝦 , 兩份燒蟹爪 , 炒螺 , 芝士焗扇貝 , 奶油焗魚 ( 送嘅 )
燒雞翼 + 天婦羅 菠蘿 , 番石榴 , 木瓜
食完呢餐 見越嚟越多人 行咗一陣 我哋就 walk 返出去火車站預備坐火車去下一站 ~
點知行到出 火車站 時回頭望見倒 放煙花呀 !
睇咗一陣煙花 我哋就走 lu ~ 坐火車出返去台北 另一個夜市
饒河夜市 ~
朋友仔 仲扮哂 老鄉 走去排隊 攞嘢食 tim 呀 ~ 真搞笑
喺度睇咗一陣我哋就行去 饒河夜市
呢度一樣都係人頭湧湧 , 加上之前喺 廟口 食咗啲嘢 唔係咁肚餓
我哋只係繞住個夜市行咗一圈 食咗少少嘢 同買咗啲小食就坐車返去
返到去 西門町 又去買咗啲嘢食返酒店預備做宵夜 ~
阿宗麵線 , 香香雞 , 蜂蜜苦瓜汁 , 人形燒
今日嘅 行程又完畢喇 ~
沒有留言:
張貼留言