2012 - 2 - 7 ( Tuesday ) 天陰有雨
2012年3月5日下午12:59累積瀏覽 2202 18
今日終於都落雨喇 , 仲有啲凍 !
好彩雨勢唔算大 , 冇影響我哋去搵食
今日行程係去 "永康街" 食 小籠包 , 擔仔麵 & 牛肉麵
因為 朋友仔 未嚟過呢度 , 所以就一口氣 同佢食哂呢度最出名嘅美食
出擊喇 ~
第一擊 就更係 出名小籠包好味嘅 鼎泰豐
嚟親呢間分店都係人頭湧湧 , 好多日本遊客等位
( 試過台北幾間分店 & 香港 , 此終覺得呢間整得最好食 )
等咗30分鐘先有位 , 我哋Order 咗例牌 小籠包 兩客 , 一客 煎餃子 , 一碟炒 A菜
食完呢間 埋單後 我嚟就行咗去隔離街嘅 ~ 度小月
食埋出名嘅 擔仔麵
擔仔米粉 都好味 , 仲有好好味嘅 鹽酥蚵仔 & 滷豬腳
呢間嘅食物份量細 , 所以食埋都仲未係好飽
跟住再去埋 至出各嘅 ~ 永康牛肉麵
我哋揀咗 少辣牛肉牛筋麵
朋友仔就揀咗清湯牛肉麵
食埋呢度就啱啱好 飽飽了 ~
呢度仲有一間食雪花冰好出名嘅 , 如果係夏天我一定會食埋
不過今日好凍呀 所以都係唔食 LU ~
我哋行番出大街諗住搭巴士落返去 台北站 然後再去多轉 " 永樂市場" 買布
點知我正睇緊邊架巴士可以坐番出去時 , 有個"豬頭炳 " 見有架巴士寫住去 台北車站 就即刻叫上車
點知坐多幾個站 我發現唔對路喎 , 啲路線一啲都唔似係返出去嘅 , 反而係越走越遠
即時叫佢去問吓個司機 ~ 真係 , 我哋真係坐咗逆線車呀
( 你呀 你呀 , 下次唔好一見車就上 , 問都唔問吓 ) 醒少少 !
咁樣阻一阻 嘥咗唔少時間 , 幾驚趕唔切去掃貨呀 ~ 好彩都趕得切
掃完貨後就 "打的"返咗酒店對面間百貨公司 嘅 超市掃零食手信
到買完俾哂錢後 朋友仔 先講 原來呢間超市係 HK 嘅"歡迎"
"歡迎" 就"歡迎" 啦 , 最緊要啲手信係 made in TW
掃埋手信跟手上酒店 擺低嘢 抖一抖 就應朋友仔要求 "作最後衝刺" 過去 西門町 掃街
先嚟個 香香雞
阿宗麵線 蛋蛋燒 蜂蜜苦瓜汁 
雪糕 PANCAKE
蔥抓餅 炸菇菇 
再去食埋 鴨肉扁
鴨腎 麵 & 米粉 
呢個街頭 buffet 真係美味經濟 又飽飽
仲百吃不厭 tim 呀 
沒有留言:
張貼留言