"ROLL"

2009年6月4日下午10:13公開累積瀏覽 1697 22

     " Roll " : 食譜

 諗起好耐都有玩過  "Roll " , 今日就整一個 "Run "玩吓先 .

 

材料 : 沙葛 , 紅蘿蔔 , 銀芽 , 叉燒 , 切幼條 . (銀芽唔使切)
   用少許油燒熱鍋後落沙葛 , 紅蘿蔔 , 銀芽炒一陣 . 加生抽 , 老抽 , 蠔油 , 糖 ,
約各半湯匙 , 叉燒一起炒 , (自己要試味 , 唔夠再加調至啱自己味道為止 ) , 炒至材料已
經淋身就熄火兜起放涼 . 放涼後就可以包喇 .
 

       ( 包好後放入冰格冷藏 , 須要時取出即可落鍋炸 .) 
 

• 烹飪,
• 飲食

雞絲沙律

2009年6月3日下午7:20公開累積瀏覽 122 16

    雞絲沙律 : 食譜

天氣太悶熱喇 , 心情開始煩躁 ,  所以要整個"沙律"食吓去 "降降溫" .
   ( 簡單材料 : 蘋果粒 , 青瓜粒 , 雞脾肉絲 , 加沙律醬拌勻 , 攪掂 , 雪凍就食得. ) 

  

芒果吉士卷

2009年6月2日下午7:15公開累積瀏覽 875 24

     芒果吉士卷 :    (有食譜)


   屋企有幾隻熟到就快爛嘅芒果 , 唔想就咁食 , 一於攞嚟整芒果吉士卷啦 !

 

"吉士醬"好似唔夠杰 .     
 

    芒果就超級熟 .  
 

    卷得好核突 .   仲爆埋口 .
 

做法 :  

    (預備一個內容量 6.5 X 10.5 吋盆 , 掃上菜油備用 ) 

A ,   糯米粉 90g , 粘米粉 13g . 糖 20g . 椰漿 60g . 凍滾水 100ml . 將所有材料混合後用手動打蛋器打至冇粒粒後倒入盆內 . 水滾落鍋隔水蒸 10 分鐘取出放涼後將佢橫切一開三 , 備用 . 

B ,   吉士粉 1 1/2 茶匙 . 淡忌廉 200g . 糖 2 茶匙 . 將所有材料倒入小鍋內煮至杰身後放涼後放入雪柜雪至再結實啲 , 備用 .
  跟住就係跟住以上做法將佢放餡再捲埋後洒上椰絲即可 . ( 亦可另備一盆放滿椰絲 , 然後放入芒果卷去轆一圈 , 快 靚 正 搞掂 .)  將佢捲起時兩邊要留位俾佢黐埋 . 唔係就會好易爆口 .

我要" 咋傻 "

2009年5月29日下午10:13公開累積瀏覽 295 22

  
    今日我要 "咋傻". 

    oh  sorry , 係 " 炸稯 " 至啱 ,  多謝呀 張師奶 , 許師奶 , 莫師奶 請我哋食嘅稯加埋有成十幾隻  , 不過次次都係獨孤一味 "烚 "好悶呀 , 突然諗起 N 年前係街頭 Buffet 食過嘅"炸稯" , 只不過將 "稞蒸稯"切開加上粉漿落鑊炸一陣撈起洒上少許淮鹽就 變成另一種食法 , 唔錯唔錯 . 有興趣嘅可以試吓. 
  ( 勿然想起好耐冇食過嘅街頭 Buffet , 呢啲咁有香港特色嘅美食已經買小見小喇 , 香港應該學吓人哋其他國家將自己最有特色嘅美食保留 , 大力宣傳做買點 , 好似 "台灣 " , "馬來西亞"  "泰國 ", 啲夜市食街咁 , 做到遊客必到必試 , 咁咪又多一個香港特色囉 , 豬豬 . )

 

• 烹飪,
• 飲食

日式燒餅

2009年5月26日下午9:55公開累積瀏覽 2829 12

   日式燒餅  :  食譜 , 做法  

   唔想食飯嘅又一選擇

   

材料 :  麵粉  50g . 水 50g , 雞蛋 2 隻 , 蟹柳 5 條 , 小椰菜  半個 ,  (其實仲有蝦仁 , 不過唔記得買 , )     (  呢個係 8 吋餅 , 細食嘅二人 ,份量可減半 .)   
   

    所以加咗幾粒帶子 . 將所有材料混合 .
   

易潔鑊用中火加一湯匙油燒熱後倒入己混合好嘅材料 , 堆成圓圓地形狀後 , 蓋上蓋焗 5 分鐘 , 熄火

  用一隻大碟蓋住個鑊後反轉將餅倒出 , 然後再推回鑊內蓋上蓋煎焗 5 分鐘至另一面金黃,

 

   倒出後加上燒餅醬 , 沙拉醬 , 木魚碎 , 即可 .
 

• 烹飪,
• 飲食

補償

2009年5月24日下午10:16公開累積瀏覽 286 16

今日又係不停落雨  , 又冇出街 , 好在星期五行 sogo 時大量入貨 , 唔使出街都有嘢食 , 所以今日就整個豐富大餐當作我冇得去街 嘅補償啦 !

先嚟一隻"黃帝蟹"刺身 :     

 

  拆開後勁多 "膏同蟹籽 ' , 正 (sale 姐姐果然冇呃我 , 話呢隻正 ) 

  最後用咗啲 '蟹籽蟹膏"嚟炒飯 , 再將炒飯放入蟹蓋加芝士再焗 , 嘩 ,個焗飯真係香到不得了 , 再加多個 3L超級大帶子剌身 ,  真係又正又飽 ,

• 烹飪,
• 飲食

蝦肉餃子

2009年5月23日下午9:23公開累積瀏覽 192 4

簡簡單單嘅 :    煎蝦肉餃子
  
 

    材料 :  蝦肉 , 豬肉 . 椰菜 . 冬菇 . 

• 烹飪,
• 飲食

消暑飲品

2009年5月22日下午4:54公開累積瀏覽 130 5

   薏米檸檬蜜糖飲 :

  夏天到我會減少煲嘅次數 , (因為太熱唔係好想再飲熱辣辣嘅湯 , 改為煲多啲涼茶同消暑飲品 , ) 呢個薏米檸檬蜜糖飲 , 就最啱夏天飲 , 薏米可以利尿去水腫 , 蜜糖又有滋潤功效 , (長時間逗留喺冷氣地方最易令人喉嚨乾渴 , 皮膚乾燥 ,)  再加埋檸檬嘅清香 , 當妳去完街返到屋倒番一杯飲真係咩暑都即刻消哂 . 

   

                   

飯後甜品

2009年5月14日下午9:46公開累積瀏覽 199 11

   本來今日想整 N Y Cheese  Cake , 點知買唔倒酸忌廉 , 所以改咗整"桂花椰汁糕" , 今次仲整埋魚仔型 , 靚靚 .....

  

  

一隻豬手整兩味

2009年5月13日上午1:21公開累積瀏覽 253 3

   
黑椒洋蔥炆豬手 ~ 食譜

   我煲"青紅羅白"湯鐘意用"咸豬手"嚟煲 , 因為煲完湯我會撈番起隻豬手用嚟整" 黑椒洋蔥豬手煲 " , 好好味架 , 買一隻豬手都係$30蚊倒 , 煲完湯仲可以整多味餸真係好抵架 .  
 

洋蔥黑椒豬手煲 : 

    咸豬手 一 只  ( 煲完湯嘅 )
    洋蔥     一 只   (切條 )
    黑椒碎粒     適量    (食得辣嘅可以落多啲 )
    老抽     兩湯匙
    蜜糖    一湯匙      
   (因各人口味不同 , 調味份量可除意加減 .)
 
    做法 :

用小許油爆一爆洋蔥 ,然後將豬手放入 ,  再加入老抽 , 蜜糖 , 黑椒碎粒撈匀 ,蓋上蓋 用中小火炆10 至 15 分鐘 熄火即可 .  (因為煲完湯嘅豬手以經淋哂所以唔需要炆咁耐 , )

  

  最後加多個九菜炒蛋 , 就係今晚嘅晚餐 .
 

• 烹飪,
• 食譜,
• 飲食

香蕉奶昔

2009年5月13日下午3:58公開累積瀏覽 192 9

      用咗起哂梅花點嘅"香蕉"嚟整嘅奶昔 , 真係 好香滑 , 不過卡路里勁高 , 都係小飲為妙 .


          

香蕉奶昔

2009年5月13日下午3:58公開累積瀏覽 191 9                    

      用咗起哂梅花點嘅"香蕉"嚟整嘅奶昔 , 真係 好香滑 , 不過卡路里勁高 , 都係小飲為妙 .

          

醉雞

2009年5月10日上午12:00公開累積瀏覽 3414 1

      醉雞 ~ 食譜   

 

   材料 :
               
 新鮮雞                   一隻    洗淨
醉雞汁                    一支
花 刁 酒                 約1/5 一支
粗 鹽                      5 湯匙
芫茜 , 蔥                3 蚊          


做法 :

煲一煲可以蓋過"雞"嘅水, 水滾後加芫茜, 葱 , 鹽 , 雞 . 煮20分鐘熄火焗10分鐘取出放涼後斬件放入大碟中加入"醉雞汁"一枝 加 "花刁酒" 半杯 浸一陣, 然後放入雪柜雪1至2小時取出 , 將醉雞汁倒起可以留番下次用 , 食時再加番兩湯匙醉雞汁淋面 . 


    ( "花刁酒 " 嘅份量可除喜好加多或減少 )

    * 以上食譜可除喜好整 乳鴿  , 雞翼 , 鮑魚 *  

• 烹飪,
• 食譜,
• 飲食

酥皮叉燒酥

2009年5月3日下午12:29公開累積瀏覽 1005 13

     

  簡單易做嘅酥皮叉燒酥  ~  食譜




第一次做冇為意焗完後佢會漲大  ( 變咗大碼 ) 

下次要整噃細條啲會靚仔啲  (好味 )    
  

 
 材料 :

酥皮    一塊   (一開六 ,或一開八 )  以上係一開六嘅size .

 叉燒    除意   (切細粒)   我用咗$10蚊
 
洋蔥   半個   (切細粒)

 粟粉 二茶匙

 蠔油     三湯匙

 糖  二茶匙

 水   八湯匙

做法 :

    1  先將調味料混合拌勻 .
    2  用小許油爆香叉燒同洋蔥,然後加入調味料炒至杰身 , 備用 .
    3  將餡料放在切好嘅酥皮上捲好,(可除意掃上蛋液 )不過我冇 .
   4  焗爐預熱 170度焗10分鐘或金黃色就ok

正宗砵仔糕

2009年4月30日下午9:00公開累積瀏覽 433 6

      真係正宗"砵仔糕"嚟架 !



呢啲砵仔只有2吋半大咋 , 係前日喺上海街發現

見佢細細個幾得意咪買咗佢返嚟整"砵仔糕"俾"老媽"食 . ( 因為佢鐘意食 )

 我用咗 原食譜嘅份量點知可以做出"17"個咁多

 我仲整雙倍份量 ,即係"34"個 , 勁 !

  因為尋晚有家庭飯局 ,所以就整咁多

 但係話咁快就食淨幾只咋 . 可想而知我嘅家族有幾大啦 !

食完之後 ( 綜合各人意見係 : 1 , 味道 ok 但係紅豆硬咗啲 ,應該係煮完焗唔透 , 2, 蒸佢一陣先落紅豆就唔會沉哂落底 . 3. 想紅豆快啲淋加小許糯米同煮 , )

下次就試吓呢啲綜合意見再嚟過睇吓係咪會好啲 .  

 

未蒸之前白雪雪一啲都唔似 .
   
  

蒸好之後就凹咗落去 .

 

  凍咗之後又平番啲 . 似喇似喇 .係砵仔糕喇 ! 好搞嘢 .
 
  

椰汁桂花糕

2009年4月29日上午12:17公開累積瀏覽 248 6

   
      晶瑩剔透嘅椰汁桂花糕 :


好味又易做 .  正 !