生記膏蟹粥
7 - 5 - 2013
嘩鬼成員生日
揀咗嚟呢度食粥慶生
原來呢間早前比"金鋼小儀" 介紹過後 已經不再接受訂枱服務
唯有早少少去攞位 , 老闆要我哋齊人後先比枱
我哋一行13人, 見佢內鋪太細 , 所以選擇坐門口出面
真係人多好食力 , 可能叫好多款美食試 吓
先嚟 更係出哂名嘅膏蟹粥
我哋要咗一鍋大嘅 , 裡面有兩隻好多膏嘅蟹蟹 , 膏香軟滑 正呀
蟹 + 蜆 冬陰公烏冬
辣得嚟又夠鮮味 , 呢個又係必吃
青口烏冬
佢哋用咗雪藏青口 , 所以肉味一般 , 不過湯底就好正
蟹膏飯
一小碗 賣$68 , 感覺貴咗啲 , 不過當妳見倒碗飯面上嘅蟹膏 就會覺得物有所值呢
蠔仔炒麵
呢個加甜醬 辣醬 拌食一流呀
蟶子皇籠仔荷葉蒸飯
大大隻嘅蟶子好鮮味 , 不過籠仔蒸飯我覺得乾身得滯 硬咗啲啲
蠔仔春卷
呢個又係好好味 , 必吃呢
鮮蝦腐皮卷
呢個唔掂 , 蝦肉少 腐皮索滿油
麻辣茄子
呢個我冇食 ( 因為食唔切 , 轉頭已經冇哂喇 )
仲有啲小食 > 炸白飯魚 , 炸墨魚咀 , 炸雞軟骨
唔記得影相呀
食完呢度仲未夠喉
我哋仲過咗去黃埔 嘅 芝麻綠豆 食糖水
大家都揀咗佢至出名嘅
芝麻蛋白燉鮮奶 , 合桃蛋白燉鮮奶 , 合桃糊+ 芝麻爽
又食咗一餐豐富 美味 滿足 ~
沒有留言:
張貼留言