2012年11月13日下午9:07累積瀏覽 1072 19
"泰 '掛住 ~ 回鄉遊
4 - 11 - 2012
我哋又返鄉下喇 ~
原本我安排咗10月頭回鄉架 , 點知就得 老細放假嚟又就唔倒回程機位
諗住放棄唔去啦 , 點知又比我發現 CX 做 Promo
來回機票都只係 $ 900 + 稅 , 即刻叫 老細 攞假
見機票平咗 + 上回程又得番中午機返港 , 所以索性住多一晚
咁就玩咗6 日5 夜 喇 ( 不過都係唔夠喉 )
我又"seafood 痕" book 咗兩間酒店住 , 頭兩日住一間 , 尾三日住一間
然後又再" seafood 痕" 唔搭的士去酒店 , 走咗去試搭 Airport Rail link 出市區
比 老細 埋怨我要搬嚟搬去嘥哂啲時間 , 搞到佢冇乜時間享受酒店嘅泳池
所以要減我行程 , 一日只可以去兩個地方 ~ 好慘呀 我
( 不過講番轉頭 , 其實搭AIR RL 又真係幾抵玩 , SaCityline 45B + 半粒鐘 就出市區
如果搭 Sa Express就不停站直出市區 , 快好多 , 都只係 145B
仲一出閘就有接駁天橋直達 BTS Phaya Thai 站 , 方便旅客轉車到任何地方
比起搭的士出市區平最少 8 倍有多 又唔會塞車嗰吓正呀
如果住喺 BTS源線嘅酒店就更加正到爆 , 可以慳番唔少的士錢呢 )
我哋去咗酒店 checkin , 不過因為要upgrade 房間所以4 點先有房
為食 老細 即刻話要出去酒店附近巡視吓 睇吓有冇街檔要搵食 醫肚
酒店 附近都有個蚊型商場 ( 其實得幾間食店 )
前少少仲有幾檔賣粉麵 生果 嘅街檔
老細 捨 食店而選擇 到街檔搵食 , 見呢檔炒粉檔好多泰國人幫襯 , 就坐低試吓
我哋叫咗一碟炒粉試吓 , 食落又幾好味 , 即刻叫呀"卡" 炒多碟 ,食完蕩咗一陣就返酒店攞房
話妳哋知吖 , 其實朋友仔介紹咗間酒店我住 ( 話好正架 ) 點知我 "鬼掩眼" 睇漏咗尾個隻字
就傻吓傻吓 book 咗呢間酒店 ( 雖然係同一集團 不過就偏入咗啲 )
仲要"暗乸底 " 唔敢同 老細 講呀
酒店嘅免費專車 , 每日定時接載住客到附近嘅商場 & BTS 站 !
酒店大堂分兩邊 , 都幾大架 .
OH ~ 迎賓香賓 !
ON ~ 係凍菊花茶咋 ! ｈａｈａ～
坐咗一陣就夠鐘攞房 .好彩上房後 見間房都好大 ( 因為係Apartment 式酒店 )
有廚房 小客廳 飯廳 , 露台＋ 特大套房 , 老細 冇咋形不特止 , 仲幾滿意 tim
老細 仲拿拿聲 去小睡片刻 , 差番啲電再去搵食 !
第一餐正餐 老細 就話要去食蟹 , 例牌 ~ 建興
今次得我哋兩個 所以只係點咗碟 中咖哩蟹 , 細 炒通菜 & 細 蟹肉炒飯
佢哋嘅咖哩一啲都唔辣 (可以叫佢加辣 ) 仲好多蛋花 , 要嚟撈飯食真係正到爆 ( 仲會肥C人 )
呀 " 吸" 見我哋食完啲蟹身後 就即刻走過幫我拎啲蟹鉗去夾開哂再拎番嚟比我哋食 , 好細心呀
食飽飽埋單後 我哋去咗" 拍碰" ( 5 分鐘路程就到 ) 行夜街 睇吓嘢 幫助消化
行到夠皮 (已經11點幾 )老細 提意買啲生果 小吃返酒店 做宵夜
我醒起有個 呀婆 賣嘅 芒果糯米飯好平 ( 70B)咋 好好味架
不過唔知係咪夜得滯 收檔了 ~ 搵唔倒 ~ 冇得食 Tim ~ 唔制呀
最後宵夜只有炸雞 蘋果汁 + 生果
沒有留言:
張貼留言