籠仔糯米蒜蓉蒸蝦 ~
9 - 5 - 2-13
而家真係習慣咗喺食午餐之前就要諗定晚餐煮咩好
因為一食飽個午餐就冇興緻諗下一餐食乜 ga la
今日突然腦海一閃 ~ 蝦
好想食蝦呀
即刻問 老細 今晚有冇咩想食
哈 ~ 點知 老細 一開口就答我話 > 好耐冇食蒜蓉蒸蝦 好想食
真係夾都冇咁橋呀 我哋兩個今日都想食蝦
問 老細 > 咁不如整蒜蓉糯米蒸蝦吖, 好唔好 ?
其實唔使問我都知佢實會話好架
咁就拿拿聲去食晏 食完就去街市買蝦 買糯米
見啲基圍蝦都幾大隻又唔貴 , 一於買一斤
今次懶呀 冇將啲新鮮蒜蓉分開就咁撈埋 炸蒜蓉加少少鹽嚟一齊蒸
同埋一斤蝦開邊後真係好多 , 搞到要玩叠羅漢
一層叠一層 叠滿哂個蒸籠 tim
食得喇 ~
將底層嘅糯米飯撈埋啲金銀蒜嚟食真係好香好野味～
仲勁殺菌 又口臭 tim 呀
沒有留言:
張貼留言