初三 ~ 赤囗 05-02-2011
今日係年初三 ~ 赤口 不宜去拜年
所以尋同啲 家姐 亞哥 打緊麻雀之制巳經商量緊去邊樹郊遊好
我 "哥" 就提意不如一齊去摘士多啤梨 吖
咦 ~ 有得玩，有得食 果然好提意喎 !
呢個提意即時通過 , 我哋決定一於 go go go
地點係 ＞大尾篤嘅士多啤梨園 ~ 摘士多啤梨
我哋約咗喺大埔街市門口等，然後一齊坐車入去
不過我個司機話要放假一天喎 , 所以我就要自己坐車入去
因為個司機話＞呢幾日 日日都早出晚歸，又（早瞓）又要早起 ~ 好 攰呀，要請假一天休息，休息 吓喎 !
( 真係由年廿八開始 , 日日都出街 , 唔係去買嘢 , 就係去食飯 , 日日如是 , 都冇乜時間留喺屋企 hea 吓 , 攤抖吓 ) ( 其實我都覺得好攰 , 所以就放佢一日假啦 )
橫掂嗻大埔集合 , 我仲諗住早啲入去順便食碗豬扒麵先
點知上到去冇開檔
冇得食 tim , 激 c
唯有求其買咗幾個包食住先頂吓肚
一行 17 人到齊後 就坐車入去 lu ~
個 士多啤梨 園 就喺正燒烤場 隔離 , 無須入場費 , 場主仲提供埋紙盒 , 較剪 俾妳 .
摘 一磅 盛為 $ 40 大元 .
不過我 哥話 之前 $ 20 蚊雞一磅咋
咁即係新春期間 雙計 ? 加價 ? ? ? ?
不過 $ 40 蚊 一磅 計埋 "娛樂費"都唔係貴嘅 , 所以我哋一人攞咗個盒同較剪入到去就分道揚鑣 睇啱邊粒就 剪 , 受唔住誘惑嘅仲即場偷食 tim
睇吓佢哋一個二個係咁搵 , 起勢揀 , 睇啱就剪 ~ 真係開心
唔知係咪因為幾日假期 , 好多人去摘 , 所以淨番都唔係咁多
大粒嘅得番好少 淨番好多都係 中 - 小型 size
不過偷食咗幾粒之後 發覺都幾 香 同 甜
因為我 "老細" 唔食 , 所以我淨係摘咗一磅半倒 就收手
今日天氣好好 , 太陽又猛 , 哂到我哋 c c 吓
大家玩夠收手之後就俾錢走人 行返出去 搵嘢食
今日成個 大尾篤 都 好多人 , 可能因為天氣好 , 好多人入嚟踏單車 同 BBQ , 仲熱鬧過尖沙咀 .
我哋求其搵咗間食店就入去坐低醫肚
食食吓嘢仲有人嚟舞獅 , 同啲店舖拜年 ~ 真係好熱鬧呀
粉紅色嘅 小獅 ~ 好 landy 呀
我記得以前睇人舞嘅獅子 好 大隻 好威猛架嘛 , 點解而家呢啲咁 pinky 咁 landy 嘅
一啲氣勢都冇 ! 
原本 "家姐" 提意食個下午茶後行多陣就出返去 "三門仔" 食海鮮
點知原來個個都好攰 , 有啲又另有節目 , 所以最後都係冇去度 , 食完個下午茶就各自歸家 , 初七再見
沒有留言:
張貼留言