中秋節快樂 ~
今日係中秋節 , 雖然天氣唔多好 , 可能睇唔倒個月亮 , 賞唔倒月 .
不過賞唔倒月都唔緊要啦 , 最緊嘅係可以一家人齊齊整整 , 開開心心共聚就咩都補番啦 !
祝大家 "中秋節 " 過得開心又快樂
今日我都一早起身同 eva 一齊整月餅 , 預備今晚返外家做節時同屋企人一齊分享 ~
由於我媽話佢哋已經有 十幾盒月餅喇
所以我都唔敢整咁多 , 怕食唔哂嘥咗 .
淨係整咗幾隻冰皮 & 潮式酥皮月餅
餡就有自己煮嘅 > 紅豆豆沙 , 奶皇 .
現成買嘅就有 > 栗子粒粒 , 蕃薯 , 咖啡 , 麻蓉 .
整酥皮我就用咗 香芋香油 ( 鐘意佢紫色 )
仲有 綠茶香油 , 呢隻綠茶香油真係好香綠茶味 , 好正
不過包吓包吓都包都亂哂籠 , 唔知呢隻係咩味 , 嗰隻又係咩味
諗吓 , 諗吓 , 其實都好架 , 因為到食嗰陣大家都估吓估吓 , 咁咪又有得玩囉
我仲整咗芒果大菜糕做飯後甜品 ~ 希望佢哋鐘意食啦 .
出發 lu , 返歸食飯 lu .
沒有留言:
張貼留言