菠 蘿 蝦仁雞球 ( 附食譜 )
我以前好鐘意食呢味餸架 , 酸酸甜甜好好味
不過自從 N 年前 一句無心快語 , 真係言者無心 , 但係就聽者有意 , 就係咁俾人將呢一句說話攞嚟陷我於不義
自從嗰次之後我就好少食呢個餸 , 因為一諗起個餸名就諗起某人 , 一諗起某人就諗起佢嘅所作所為
咁多年後 我已經明白退一步 , 海闊天空 呢個道理
唔再將呢個人嘅所作所為放在心上 , 只會冷眼旁觀 , 一笑置知 , 人就自自然然覺得輕鬆 , 活得開心 ~
所以由今日開始 你 ~ 菠蘿雞球 , 返番嚟喇
今次仲加埋蝦仁 , Yummy Yummy ~
菠蘿雞球 ~ 食譜 hanhan
材料 :
雞脾肉 一塊 去皮去脂肪切件用生粉 糖 鹽 醃好
大蝦仁 十隻 用少許胡椒粉醃一醃
菠蘿粒 除意
獻汁 :
茄汁 兩大湯匙
醋 1/3湯匙
糖 適量
水 半杯
做法 :
先將醃好嘅雞件沾上生粉落鑊用半煎炸方式將雞件煎香舀起 .
將蝦仁落鑊兜熟後舀起 .
將獻汁拌勻後落鑊一面煮一面試味 , 調較至啱自己口味 煮至杰身 .
然後將雞球 , 蝦仁 , 菠蘿 一併落鑊兜勻即可熄火上碟 .
沒有留言:
張貼留言