進步版 ~ 咖哩麵包雞 (做法)
4 - 7 - 2012
哈哈 ~ 話咁快又嚟喇 !
死心不息 一定要做到為止係我嘅性格 , 所以話咁快又再整多次
上次嘅咖哩雞包差少少 ! 嗰少少就係我搵唔倒大大張嘅臘紙嚟包雞
所以用咗錫紙代替 試吓放果如何 !
點知真係麻麻 包嘅內裡受熱度唔平衡 搞到個包焗嘅時間要長啲個包裡面至完全熟得透
今次我用咗牛油紙嚟包雞 , 仲打孖上摺咗個袋形後先放入雞 包好再包上粉糰焗
( 今次個包用咗普通麵包嘅食譜嚟整 )
焗完出嚟除咗靚仔咗之外 , 麵包又夠外脆內軟 , 唔錯 唔錯 !
下次可以整嚟招呼親朋好友喇
做法 :
先煮好咖哩雞 , 煮杰身一點 ( 除個人口味 可改用 牛 蝦 蟹 ) 不過小心啲蟹腳拮穿個袋 & 包
將咖哩放涼 , 然後用兩張牛油摺一個闊底嘅袋放入咖哩後 摺好收口
將已發酵了第一次 & 搓好嘅麵糰包住紙袋作第二次發酵
發酵完成後焗爐用200c 預熱10分鐘 放入麵包雞焗45 - 50分鐘即可
* 咖哩 可除個人口味整 泰式 , 日式 or 港式 *
我就用咗支裝咖哩醬整
* 麵包 除個人口味可用法式麵包 or 普通麵包譜 整 *我用咗200g麵粉做包 . 二人食啱啱好 ~ 飽飽
沒有留言:
張貼留言