蒜蓉蒸中蝦 ~ 3 - 09 - 2011
星期六同老細 出去食晏 , 一邊食一邊問定佢晚餐想食乜 ~
佢一開口就話我好耐都冇整蒜蓉蒸蝦 , 好想食喎
諗吓 , 諗吓又真係好耐吓喎
好啦 , 今晚就整餐過你食到夠啦 !
食完晏就同佢去街市買咗一斤中蝦 加兩包蒜頭
買咁多蒜頭 順便整定啲蒜蓉留起放雪柜慢慢用
真係太耐冇"片" 蝦 , 把刀又唔夠利 搞到 "尼咁hea"
"片"一斤蝦都幾嘥時間 , 仲俾啲蝦拮咗幾吓 , 幾驚會染倒食肉菌
搞掂完啲蝦就拿拿聲洗手搽藥水 ~ 保住條命仔先
啲蝦都幾大隻 , 一隻大碟都擺唔哂 要分兩碟兩次嚟蒸
呢餐夠滿足未 ~
沒有留言:
張貼留言