芒果大菜糕 ~ 22 - 04 - 2011
復活節 第一日假期 我 老細 啲朋友已經一早約定大聚會
所以尋晚去咗個朋友屋企搞大食會 
佢屋企夠大 可以容立 我哋成廿十人都 ok
主人家好 好客 又鐘意玩 , 所以班 嘩鬼 一早就上哂去開局 唱 k
今次唔玩煮飯仔喇 , 叫咗到會外賣 ( 唔使搞咁多等大家可以盡情 傾 飲 賭 唱 )
我就整咗三大個 芒果大菜糕 
兩個攞去俾大家做甜品
一個就留番我哋呢兩日食 
2011年4月22日 星期五
2011年4月20日 星期三
香芒雪芳蛋糕 製作班
2011年4月21日上午2:26累積瀏覽 2476 60
U magazine x 美心西餅
香芒雪芳蛋糕製作班 ( 更新版 )
20 - 04 - 2011
滙豐信用卡客戶於全線美心西餅購買「香芒雪芳」尊享原價8折優惠(優惠期至4月30日)；購買6件或以上甜品(其中一件必須為芒果甜品)尊享原價85折優惠(優惠期至5月15日)。
U magazine x 美心西餅
香芒雪芳蛋糕製作班 ( 更新版 )
20 - 04 - 2011
今日好開心 出席咗 美心西餅特別為 U Magazine 讀者度身設計只辦一場的「香芒雪芳 Cooking Class」蛋糕製作班，由美心西餅的星級餅廚李傳授揀靚芒秘訣 , 更有機會親身感受「香芒雪芳」的香滑鬆軟製作過程 .
首先由美心集團 Marketing 的 Michelle & 美心西餅副總廚"李師傅"教授大家揀選靚芒果嘅秘訣 , 大家仲可以即場試食 tim .
然後向大家派發 香芒雪芳蛋糕 & 香芒奶凍 嘅 食譜
再由 "李師傅"親身示範 " 香芒雪芳蛋糕 " 的做法, 李師傅一邊示範邊細心地講解, 美心新推出的 " 香芒雪芳蛋糕 " 的獨特之處係 製作過程中無須加入乳化劑 但蛋糕仍然非常之鬆軟 .
仲即場試食
蛋糕頂層舖滿粒粒鮮甜的芒果肉，加上芒果忌廉，啖啖香芒滋味由舌尖直捲喉嚨。外層清甜而不膩的芒果忌廉，乃由芒果汁混入幼滑忌廉打製而成，鮮甜的芒果汁與幼滑忌廉相互交融，香甜如蜜的芒果忌廉於口中慢慢融化，豐脥細膩的觸感包圍着每一顆味蕾。內層的雪芳蛋糕由人手高速打成，專業師傅以最佳力度將適當的空氣比例注入優質蛋白當中，確保製造出來的雪芳蛋糕鬆香軟綿，並達致回彈的效果。
「香芒雪芳」巧妙於超鬆軟的雪芳蛋糕加入滋味芒果夾心，更特別採用美心西餅的皇牌朱古力脆米層作餅底，口感層次大大提升，清新的芒果雪芳與香濃朱古力香味互相輝映，引發出來的多重滋味，令人回味無窮！整個「香芒雪芳」無論在材料、味道與口感均配合得天衣無逢，締造芒果口味蛋糕的新經典。
示範完 "香芒雪芳蛋糕 " 之後, 李師傅再教大家做咗個 "香芒奶凍 "
參加者仲可以即場自製一杯 香芒奶凍
我嘅製成品
我 , 硬琳 , joe joe , sandy 嘅製成品
「香芒奶凍」香滑又juicy，全因為底層軟滑的牛奶奶凍上面，舖滿芒果汁及粒粒芒果粒，由上而下吃一口，感受甜美的香滑誘惑。「香芒脆撻」的撻面舖滿大量新鮮芒果粒，保證每一口滲透著芒果的清甜，配以鬆脆撻底，勢必成為初夏至fresh甜品之選。
今日真係多謝哂 美心集團 Marketing 的 Michelle & Vania 的招待 & 多謝李師傅教授咗好多做蛋糕的 細節 與 技巧 , 令我地獲益良多 , 仲有一班師傅仔 , 真係多謝哂妳哋呀 .
為咗想令大家食得開心滿 fun 美心西餅 更推出
呂宋芒系列即日起至5月4日於全線美心西餅香甜登場。
想品嘗甘美味既呂宋芒系列,快D去美心西餅買黎試下吖,而且美心西餅既呂宋芒系列仲有香甜保證,如果發現唔香甜的話會包換架
滙豐信用卡客戶於全線美心西餅購買「香芒雪芳」尊享原價8折優惠(優惠期至4月30日)；購買6件或以上甜品(其中一件必須為芒果甜品)尊享原價85折優惠(優惠期至5月15日)。
2011年4月14日 星期四
2011年4月12日 星期二
鮑汁炆雞腳
2011年4月12日下午7:10累積瀏覽 4780 45
鮑汁炆雞腳 ~ ( 附食譜 )
可惜美中不足 吖 ~ 欠 咗啲花生
鮑汁炆雞腳 ~ ( 附食譜 )
我 同老細 都好鐘意去 xx 酒家食佢哋嘅 鮑汁炆雞腳
上星期 同 奶奶 大伯 佢哋去拜完 老爺 後我哋又去咗 xx 飲茶
嗰日仲要咗兩兜炆雞腳食 , 佢哋食完都話好味
前日 老細 話想食 , 叫我整
所以尋日去街市買完芒果就上咗樓上雞檔 買咗 $ 20 蚊 新鮮雞腳 有 12隻
返到屋企預備開工時 先至醒起唔記得買花生呀
唯有就咁齋炆啦
炆雞腳唔使用好耐時間就 ok
不過我要佢夠淋夠上色 , 所以專登炆耐啲
炆完焗一晚等佢浸過夜上 色啲
今日起身再將佢哋翻熱就搞掂 , 食得
食落口嗰陣啲雞腳嘅膠質 漿住個口感覺好似食花膠 咁 好正
可惜美中不足 吖 ~ 欠 咗啲花生 
鮑汁炆雞腳 ~ hanhan
材料 : 新鮮雞腳 12隻
汁料 :
鮑魚汁 3 湯匙
特濃醬油 半 碗
蠔 油 1 湯匙
冰 糖 適 量 ( 除個人口味加減 )
鹽 適 量 ( 除個人口味 + - )
水 約 1 L
做法 :
1 . 先將雞腳洗淨 出水
2 . 將水 , 鮑汁 , 醬油 , 蠔油 , 拌勻後煮滾
3 . 將雞腳加入已滾起嘅醬汁中用中火炆煮15 分鐘
4 . 將糖續少加入調較至啱自己嘅口味
5 . 待冰糖完全溶化後熄火焗30分鐘
6 . 焗完30分鐘後再開中火滾10 分鐘熄火焗一晚 至雞腳完全上色入味
( or 可以一早炆定夜晚再翻熱食亦可 )
2011年4月11日 星期一
2011年4月10日 星期日
奪命墨西哥
2011年4月10日下午6:15累積瀏覽 979 32
奪命墨西哥 ~ 10 - 04 - 2011
( 手痕痕 , 又想整包包喇 )
老細 話 > 想食 奪命 墨西哥
呢隻包包雖然好味 , 但係就糖份 同 油份 真係超高
所以 我 老細 就將佢 命名 為 ~ 奪命墨西哥 喇
( 其實我 自己都想食 )
個包包 我就用咗 Darling 個譜譜 , 自己再加個奶皇吉士醬做餡餡
焗第一盆嗰陣掛住洗嘢 搞到過咗火
到焗第二盆嗰陣昅到佢實一實 , 所以焗到啱啱好
又或是咁樣係正常架呢 ? ? ?
我 老細 話 > 奪命墨西哥 呢個名係我幫佢改嘅 , 妳做乜不問自取 攞咗嚟用呀 ? 我要收番版權費 呀 !
奪命墨西哥 ~ 10 - 04 - 2011
尋日問 老細 想食咩包包
( 手痕痕 , 又想整包包喇 ) 
老細 話 > 想食 奪命 墨西哥 
呢個咁兇狠嘅包包名 係我 老細 諗出嚟嘅
話說 long long long time 之前 我哋好多時去花墟 行街街 買完花 都會去 金魚街 xx 茶餐廳食下午茶 .
佢哋嘅墨西哥包 又大隻又好味 , 我 老細 至愛必吃 架 !
就算我自己好多時出去行完街買完嘢都會過去買番幾隻返歸俾 老細 咬
呢隻包包雖然好味 , 但係就糖份 同 油份 真係超高 
多吃真係會膽固醇爆燈 , 可能連血管都爆埋 tim 呀 !
所以 我 老細 就將佢 命名 為 ~ 奪命墨西哥 喇 
以前有quota 就可以成日食 , 而家肥咗咁多 ~ 怕怕喇 ，所以少咗買嚟食
見 老細 咁耐未食過 , 話想食 , 好啦 , 一於試吓整幾隻迷你版俾你咬吓啦 !
( 其實我 自己都想食 )
個包包 我就用咗 Darling 個譜譜 , 自己再加個奶皇吉士醬做餡餡 
焗第一盆嗰陣掛住洗嘢 搞到過咗火
到焗第二盆嗰陣昅到佢實一實 , 所以焗到啱啱好 
但係切開嚟睇 發覺有好多空位 ? 係我包得唔夠勻 , 定係啲餡唔夠多呢 ? ?
又或是咁樣係正常架呢 ? ? ? 
* 後記 *
我 老細 話 > 奪命墨西哥 呢個名係我幫佢改嘅 , 妳做乜不問自取 攞咗嚟用呀 ? 我要收番版權費 呀 ! 
( 想收我版權費 , 你更係食包食唔飽想食多兩個拳頭頂喇 ) 
訂閱：
文章 (Atom)