2010年10月22日下午11:01公開累積瀏覽 723
白汁蝦蝦芝士焗意粉 ~ (食譜 )
呢排真係好忙 , 好忙 !
好多時都早出晚歸
冇時間買餸煮飯
成個星期多數都係出街食
今日終於得閒
所以好想煲煲湯飲吓 , 整吓嘢食吓 ~
諗起好耐都冇整過西餐食
今日一於整番餐意粉食先 !
頭盆 : 南瓜茸湯
主菜 : 白汁蝦蝦芝士焗意粉
南瓜茸湯 > 南瓜半隻起肉切件 , 瘦肉切粒 .
照平時煲湯咁水滾後落材料煲半個鐘 , 將南瓜同肉粒撈起倒入攪拌機內攪至變茸冇粒粒 , 再倒回煲內煲滾加鹽調味即可 . ( 可以加入淡忌廉同煮 , 加入淡忌廉後就變成西式嘅忌
廉南瓜湯 )
白汁蝦蝦意 >
意粉1/2包 , 急凍蝦仁 , 蟹柳絲 , 啡蘑菇 , 紫色洋蔥 , 鮮奶 , 淡忌廉 , Mozzarrella芝士 , rosemary .
先將意粉煮好備用 .
蝦仁解凍後炒熟 . 啡蘑菇切片 + 洋蔥切幼條 一起炒熟 .
倒入一杯鮮奶 , 半杯淡忌廉拌勻 加鹽調味 ( 落鹽可以多少少 , 因為意粉冇味拌勻之後就會啱啱好夠味 )
落意粉拌勻後 舀起倒入焗盆中 , 將芝士平均洒上 , 放入焗爐用 200 c 焗10分鐘或睇見啲芝士已經溶化微焦即可 .
( 早前睇見一篇報導講"紫色洋蔥"比起"白洋蔥"對人體更有益 , 因為紫色洋蔥除咗有哂白洋蔥嘅功效之外 , 更多咗一種可以幫人體清除壞膽固醇嘅功效 )
可以清除壞膽固醇 
咁咪好啱我哋呢班鐘意整包 , 整餅 , 整蛋糕 , 煮美食嘅卜友食 . 因為我哋成日都整咁多好嘢食 , 身體內一定積聚咗唔少壞膽固醇 
所以我就介紹話
俾大家知 , 希望大家多買呢隻"紫色洋蔥 "嚟食 , 幫助清除身體內嘅壞膽固醇 , 咁大家就可以放心繼續整多啲美食都唔怕啦 
2010年10月14日下午7:15公開累積瀏覽 368
2010年10月13日下午9:35公開累積瀏覽 116
2010年10月3日下午11:34公開累積瀏覽 3542
籠仔糯米蒸蟹 ~
今日晏晝出街食完嘢之後原本諗住去街市買返斤蟹今晚整嚟食 
( 因為前日遊卜見倒sandy 整咗碟薑蔥炒蟹 ~ 引到我 
)
點知魚檔老闆話仲未返貨 , 冇蟹賣 
叫我晏啲再嚟過 .
我本來諗住叫老細開車去遠啲大啲嗰間街市買 .
"老細 "又話想同架車扮吓靚 
咁我唯有自己返上樓攤抖吓順便上網搵吓嘢, 等佢 .
等到佢同架車扮完靚 call 我話搞掂喇 , 可以出街喇
又輪到我唔想出 lu 
叫佢返嚟嗰陣順便去街市買斤蟹買幾條蔥 , 買幾棵菜 , 買埋糯米 ~ 原來屋企冇哂糯米 
由於唔夠時間浸糯米 ~ 所以我用快速法 , 用暖水快速浸咗兩個半鐘 至蒸
到食嗰陣一打開個蒸籠蓋啲糯米蟹同蒜香味湧哂出嚟 ~ 真係流哂口水 
即刻舀碗飯試食 ~ 好 香 呀 ~
咬落去 ~ 老細都話正 > 不過 ~ 啲糯米雖然熟哂 , 但係就唔夠淋 , 仲差少少 .
喂 , 我第一次整咋 , 又冇食譜參考 , 只係憑記憶斷估嚟整 , 只不過係啲糯米唔夠淋啫 , 都算係咁啦 
你咁叻下次你整吖 , 笨
\
籠仔糯米蒸蟹 食譜 : by Han han
材料 :
花蟹 一斤 ( 斬件洗淨 )
蒜茸 ( 四大粒加少許鹽炒至金黃色 )
糯米 兩杯 ( 加少許鹽浸軟 )
蔥花 ( 除 意 )
做法 :
將浸軟嘅糯米落鑊炒加少少水炒一陣
舀起糯米倒入蒸籠鋪平隔水蒸10分鐘 ( 應該蒸多 5 分鐘 )
夠鐘後打開蓋將蟹件鋪放在糯米飯之上
然後洒滿炒香嘅金蒜 , 再蒸25分鐘
最後再洒上蔥花即可 .
