祝我生日快樂 ~ 
好開心等咗一年終於又到我嘅生日喇
响度祝我 自己 : 生日快樂 ! 身體健康 ! 永遠都開心快樂又健康 !
啲衰人 , 壞人 , 賤人 , 小人 全部都遠離我
啲好人 , 貴人 , 心地善良嘅人都永遠响身邊
今日我"老細"專登攞咗一日假嚟陪我過生日
( 之前佢一直都冇講我知今日攞咗假陪我 , 仲成日話好忙 , 最快都要過年先可以攞番幾日假 抖吓
) 見佢咁講雖然我都有啲唔開心 , 不過算啦 , 工作要緊 , 最多咪等佢收咗工返嚟至出去同我慶 lu , 一心諗住佢冇假放 , 咁啱嗰日有卜友仔約我 , 咁咪再問清楚佢真係唔放假啲話我就同人去街街 ga la , 點知我一講完啫佢條狐狸尾巴就走咗出嚟 
原來佢一早以經攞咗假 , 不過响樹扮哂嘢 , 諗住到今朝等我拍佢起身返工至話我知唔使返 , 俾個驚喜我喎 , 古古惑惑 , 可惜陰差陽錯要自己踢爆自己 
今日係我生日就梗係話哂事啦 , 第一站去伊呂波食晏
( 又真係幾晏 , 去到都兩點鐘 ) 我哋叫咗兩 set 燒牛牛套餐加大再加一客燒牛脷 
食飽飽就同老細一齊去行吓街散吓步 ~ 我哋由尖沙咀一路行行到去佐敦道去我最鐘意去嗰間鋪頭睇吓有冇新貨 , 真係俾我發現好嘢 , 即刻買咗四 set
然後再一直行到油麻地又俾我發現咗啲平靚正 , 不過唔買住 , 要等佢返咗工我自己先再去買 然後再行到落旺角嘅朗豪坊買咗我想要嘅嘢之後 , 我哋又再一直行 , 行到去太子嘅花墟打咗一個冷冇嘢啱 
我話好攰唔行喇 , 返屋企放低啲嘢鬆一鬆先再出去食晚飯啦 , 點知走之前佢就走去買咗樣嘢話送俾我
返到屋企我"老細"即刻俾鄧伯伯 call 咗去傾計 , 見佢今日都陪我由尖沙咀 一直行到去太子足足有四個地鐵站咁長路程就放佢一馬俾佢抖吓啦
( 其實我都行到隻腳都有啲痛 )
原本諗好咗去西貢食晚飯架 , 不過我都好攰所以取消咗唔去咁遠喇 , 响附近食算喇 , 因為食完仲要返屋切蛋糕嘛
晚餐去咗呢度食 .
加州卷 . 鹽燒珍寶帶子 .
燒雞泡魚乾 . 炒什菜 .
日式海鮮 pizza . 甜心蝦多士 .
牛肉薯餅 .
入去開餐之前發現門口出面放咗呢啲優惠劵 , 食滿 $ 200即減 $ 50
即刻嗱嗱聲攞咗張一陣埋單用 , ( 本來想攞多幾張派街坊 , 原來個優惠去到呢個月尾咋 , 好彩我哋趕得切享用 又幫老細慳咗 )
又食飽飽返到屋企等個肚仔抖咗一陣 趕喺12點前切蛋糕
呢個蛋就喺我今日想要買嘅嘢喇 ~ 龍島 嘅 朱古力軟心蛋糕
其實我想買嗰個唔係呢個嚟架 , 不過佢話我想要嗰款而家唔再出 ，因為要出啲新款喎 咁我就唯有揀咗呢個睇落都應該幾正嘅朱古力軟心蛋糕
果然冇揀錯 , 呢朱古力軟心蛋糕 , 好香濃嘅朱古力味又夠滑 , 真係好好味
我老細今日再送咗一樣禮物俾我 , 就係呢張六合彩 , 佢話如果中咗就俾哂我 , ( 嘩 ~ 咁益我呀 ) 睇真啲原來個日期係 26號 , 都唁係今日開彩 , 擺到明你一定係對完發覺唔中先順手送俾我 啦
好開心等咗一年終於又到我嘅生日喇
响度祝我 自己 : 生日快樂 ! 身體健康 ! 永遠都開心快樂又健康 !
啲衰人 , 壞人 , 賤人 , 小人 全部都遠離我
啲好人 , 貴人 , 心地善良嘅人都永遠响身邊
今日我"老細"專登攞咗一日假嚟陪我過生日
( 之前佢一直都冇講我知今日攞咗假陪我 , 仲成日話好忙 , 最快都要過年先可以攞番幾日假 抖吓 ) 見佢咁講雖然我都有啲唔開心 , 不過算啦 , 工作要緊 , 最多咪等佢收咗工返嚟至出去同我慶 lu , 一心諗住佢冇假放 , 咁啱嗰日有卜友仔約我 , 咁咪再問清楚佢真係唔放假啲話我就同人去街街 ga la , 點知我一講完啫佢條狐狸尾巴就走咗出嚟 原來佢一早以經攞咗假 , 不過响樹扮哂嘢 , 諗住到今朝等我拍佢起身返工至話我知唔使返 , 俾個驚喜我喎 , 古古惑惑 , 可惜陰差陽錯要自己踢爆自己 今日係我生日就梗係話哂事啦 , 第一站去伊呂波食晏
( 又真係幾晏 , 去到都兩點鐘 ) 我哋叫咗兩 set 燒牛牛套餐加大再加一客燒牛脷 食飽飽就同老細一齊去行吓街散吓步 ~ 我哋由尖沙咀一路行行到去佐敦道去我最鐘意去嗰間鋪頭睇吓有冇新貨 , 真係俾我發現好嘢 , 即刻買咗四 set
然後再一直行到油麻地又俾我發現咗啲平靚正 , 不過唔買住 , 要等佢返咗工我自己先再去買 然後再行到落旺角嘅朗豪坊買咗我想要嘅嘢之後 , 我哋又再一直行 , 行到去太子嘅花墟打咗一個冷冇嘢啱 我話好攰唔行喇 , 返屋企放低啲嘢鬆一鬆先再出去食晚飯啦 , 點知走之前佢就走去買咗樣嘢話送俾我 返到屋企我"老細"即刻俾鄧伯伯 call 咗去傾計 , 見佢今日都陪我由尖沙咀 一直行到去太子足足有四個地鐵站咁長路程就放佢一馬俾佢抖吓啦
( 其實我都行到隻腳都有啲痛 ) 原本諗好咗去西貢食晚飯架 , 不過我都好攰所以取消咗唔去咁遠喇 , 响附近食算喇 , 因為食完仲要返屋切蛋糕嘛 晚餐去咗呢度食 .
加州卷 . 鹽燒珍寶帶子 .
燒雞泡魚乾 . 炒什菜 .
日式海鮮 pizza . 甜心蝦多士 .
牛肉薯餅 .
入去開餐之前發現門口出面放咗呢啲優惠劵 , 食滿 $ 200即減 $ 50
即刻嗱嗱聲攞咗張一陣埋單用 , ( 本來想攞多幾張派街坊 , 原來個優惠去到呢個月尾咋 , 好彩我哋趕得切享用 又幫老細慳咗 )又食飽飽返到屋企等個肚仔抖咗一陣 趕喺12點前切蛋糕
呢個蛋就喺我今日想要買嘅嘢喇 ~ 龍島 嘅 朱古力軟心蛋糕
其實我想買嗰個唔係呢個嚟架 , 不過佢話我想要嗰款而家唔再出 ，因為要出啲新款喎
咁我就唯有揀咗呢個睇落都應該幾正嘅朱古力軟心蛋糕 果然冇揀錯 , 呢朱古力軟心蛋糕 , 好香濃嘅朱古力味又夠滑 , 真係好好味
我老細今日再送咗一樣禮物俾我 , 就係呢張六合彩 , 佢話如果中咗就俾哂我 , ( 嘩 ~ 咁益我呀 ) 睇真啲原來個日期係 26號 , 都唁係今日開彩 , 擺到明你一定係對完發覺唔中先順手送俾我 啦
沒有留言:
張貼留言