芝士龍蝦伊麵 ~ (食譜 )
今晚整呢個芝士龍蝦伊麵係還債
還咩債 ? 事源係我"老細"之前請我去大 x 樂食咗個 $ 49蚊嘅扒餐
諗住今晚還番個扒餐俾佢啦 , 點知佢話唔要食扒 要食龍蝦喎
佢仲專登車我去買 tim 呀 , 真係想走都走唔甩 
焗住買咗隻龍蝦再加兩隻伊麵今晚整芝士龍蝦伊麵 !
龍蝦一隻 , 多謝"老細"仗義相助幫我將佢開邊 ,斬件
斬件後嘅龍蝦要沾上生粉然後走油 , ( 即係用油爆熟 )
預備牛油 , 花奶 , 洋蔥粒 , 芝士片
(我係用開笑牛牌芝士粒 , 不過冇哂所以用芝士片代替 )
.
先用牛油爆香洋蔥粒
再落芝士加水煮至芝士溶化 , 然後加糖 , 鹽調味再打獻至杰身後加入花奶 , 龍蝦件拌勻後熄火焗一陣 .
最後將龍蝦跟獻淋上已煮好備用嘅伊麵上即可 .
沒有留言:
張貼留言