Twelve cupcake 開心迎復活節

4 - 4 - 2014

開心迎復活節 ~ 
香港 Twelve cupcake 特別設計了3 款復活節主題杯子蛋糕 , 除了設計獨特外 , 更為大家帶來口味上的新驚喜. 

此3款限量版可愛 cupcake 將於4月15日至21日於本港全線5 間分店供應 . 大家可以到以下5 間分店訂購 .   

產品介紹

首先多謝 twelve cupcake 嘅林小姐再次邀請我呢隻為食貓hanhan 可以優先試食為復活節推出之限定版cupcake
               

                  

復活節之限定版當然唔少得可愛嘅白兔仔，小甘荀 同 復活蛋啦。

蛋糕師將佢哋變身為迷你版放置在美味嘅cupcake 上真係令人愛不釋手，更想即刻放入口呢^^

為大家介紹第一款

希望小白兔

由"岩鹽焦糖"變奏而成的 

加上用棉花糖造的迷你小白兔配上小朋友喜愛的朱古力蛋糕. 

開心紅蘿蔔

軟滑芝士蛋糕 配搭 全新紅蘿蔔蛋糕(蛋糕中加入紅蘿蔔製造 )

 再加上可愛的糖果裝飾 , 健康美味嘅組合呢 . 

復活彩蛋

用上 全新登場 薄菏軟心朱古力蛋糕(蛋糕中加入薄荷軟心朱古力醬) 及 薄菏忌廉

再配上牛奶朱古力復活彩蛋 及 朱古力碎片裝飾 , 一個喜出望外的美味組合呢 .  

除了以上3款可愛之限定版外，另外再為大家介紹以下3款新口味

紅桑子白朱古力

(加入新鮮水果 )

焦糖岩鹽

 Lemon

(加入內餡)

 Twelve cupcake 分店已增至5 間 , 亦提供餐飲到會 , 為客人度身訂造產品 及 服務

如想了解更多可click 入 > www.twelvecupcake.com

高雄 台北 之旅 - 2014

Day 4
8 - 03 - 2014

To day ~ 雨水一直落過不停 ><
原本plan 好今日落去基隆 ，不過睇天氣報導話 基隆港 有狂風暴雨

所以老細決定取消此行程，改為喺酒店附近＂濕平＂

見唔使遠行老細又再扮＂豬豬俠＂瞓晏啲=.="

我就一早醒了見肚仔餓所以自己梳洗落去食早餐

呢間酒店嘅早餐好特別，喺比兩張某cafe 嘅餐券客人自己出去食：目 

好彩間cafe 近酒店又易搵，所以我索性點了兩個餐外帶回酒店摷醒老細一齊食^0^

（回港同朋友講起＂佢哋早我一星期出發，佢哋住嘅酒店都係比早餐券，仲要係老麥券，得一個包+一杯飲品）

原來而家台北嘅酒店仔興咁樣包早餐 hahahaha ~ 

講完早餐講番是日行程

由於今日都幾大雨又凍所以近近哋過了對面的台北車站遊蕩，行地下街然後去了微風廣場食晏

我哋好隨意地入了一間餃子店 ~ 小南門

睇過餐牌後見食物款式都幾多，心大心細樣樣都想試下（我有選擇困難症）呀haha

再看看其他食客發覺大多數人都點套餐，再翻看餐牌 oh ~ 原來套餐好抵食每份只須$180

就有一碟冷盤小吃，一個湯，一個主食（冷盤小吃是自助式到凍柜選一款）

我哋點了兩個套餐小吃選了拍青瓜，烤夫 ~ 兩霖冷盆都唔錯 ^^  

紫菜蛋花湯 ~ 味道清淡 

 酸辣湯 ~ 不酸不辣 麻麻哋

炸豬扒拼炒飯 ~ 份量十足 豬扒炸得香脆 好味

 煎餃子 ~ 又係份量十足 一碟有成十隻 , 但煎得不夠香口

食飽飽要去行下幫助消化，見雨冇咁大就決定坐的士去 永樂市場 睇下有冇靚布 ~ 但可惜今期興大花花布，我麻麻 所以今次冇收穫之下就返回酒店hea 下！

雨一直落過不停，好討厭>.<

但都要食嘢，所以決定冒雨落士林（因為應承了朋友買杏仁糖比佢）

去了新市林夜市離不開食蚵仔煎，豪大大雞排，苦瓜汁。

食完呢幾個主食後轉到後街想繼續再搵食時點知越行越大雨＞.＜好多食檔都冇開，我哋唯有求其買少少食物就走人返酒店了。

今晚試咗鳳梨啤 , 都係覺得葡萄味好飲啲 ^0^ 

我好討厭落雨，更加討厭出外旅遊時落雨 ~ Day 4 The end 

高雄 台北 之旅 - 2014

Day 3
7 - 03 - 2014

向台北進發 ~
今日我哋要返出去台北了 , 臨別秋波 去了捷運站 附近啲小攤檔試吓地道早餐
見呢檔都幾多人幫襯 就揀佢啦 ~ haha
點咗一碗雞肉飯 , 苦瓜排骨燉湯 ,滷豆腐 滷蛋 > 只係台幣 110咋 ! 好味又抵食 ( 仲好過昨晚在瑞豐夜市食嘅 )

食完早餐 就坐捷運到左營站 轉高鐵去台北

我哋選擇坐快速高鐵 只須一個半小時左右就去到台北 

 ( 抱歉 . 由於高鐵車速實在太快 所以影得張沙龍照 ) :目

坐高鐵出台北一點都不便宜 , 最平嘅自由坐都要台幣 $1580一位 (約 400港元有多 )@.@ 

 ( 如一早安排了旅程嘅朋友可以上網預早購買車票會有折呢 )

                           

 在車中買了兩支限量版 樽裝水 ~ Q Q 哦 ^^

呢程車票雖貴 但只須個半小時就到達台北 , 嘥了金錢 但多了時間去玩 , 都算值得 ! 

  

出發到台北前已經留意了天氣報導 > 台北有雨 , 氣溫寒冷

果然比起高雄凍好多又落毛毛雨 >.<

 拿拿聲去酒店攞房 ~ 

今次在冇可選擇下 BOOK 了呢間 福泰桔子  房間細到 呢 , 又一陣UP 味 >.<

好彩房裡有隻大窗可以比我打開散吓房間陣除 加上我狂噴 花露水 , 總算廦去UP 味 !
                     

  

放低行李後 就去台北火車站外坐 260巴士 向 陽明山出發 ~ 賞花

由於時間唔早 ( 已經2點幾 ) 要趕住上山  所以忘了買 悠遊咭 ,要付硬幣資
原來呢架巴士係分段收費 ,上車講了目的地入錢後 司機就比咗兩張咭我哋 叫我哋落車時交回 (證明我哋喺邊一段上車, 落車 )
                                       

上山途中已經開始見到沿途好多住宅門前都種了櫻花 

到達山頂好彩雨水收細了, 可以沿山上公園慢行 欣賞 台灣嘅櫻花 ^^

整個陽明山公園開滿了櫻花 與其他花種 , 可惜雨水 風都將花打落了很多
如果天氣好的話 我想這裡花景一定更美 , 更美

今日天氣唔好 ,天黑黑  風大 雨又大 , 搞到啲櫻花都頭 dum dum 唔開心 ~

雨水又再越落越大 , 我哋都被迫切退落山 

明年今日 如果有時間好想再嚟賞花呀 , 希望到時會天朗氣清讓我慢慢欣賞 ~   

在陽明山另一邊落山點就是北投 , 可順道轉捷運去 淡水 ~ 食胡椒餅 , 阿給 呢 ^^

\

到了 北投站 老細又要去懷舊吓 到附近嘅小攤檔 搵食

百香果汁 + 雲吞麵 

食完再上路 > 向淡水出發

雨下過不停 , 所以遊客都比較稀疏

 

      返到台北 老細一見呢隻雞 即刻兩眼又發光 流哂口水 ~ 即買一包大嘅咬 ^^

 淡水老街 胡椒餅 ~ 40 台幣一個
   呢檔嘅胡椒餅好味 , 個人覺得好味過 饒河夜市 嘅  

傳統舊式炭爐烤製 ,特別有風味 !

佢有兩款 五花肉 (帶肥肉) , 赤肉 ( 帶瘦肉 )  

我哋揀咗赤肉 一個香蔥胡椒肉球包住一小件瘦肉 堂食熱辣辣 特別好味呢

  

食完呢個又蕩番出去食 阿給 ^^

揀咗兩個唔同味 一個係原味 , 一個係沙茶味(只係撻了一pat 沙茶醬上面 ) :p

阿給 係一個大腐皮袋內裡載滿粉絲 面層用魚肉膠封口 再淋上野味醬汁拌食

食完又蕩咗去一間懷舊小物店尋寶

呢間好似士多嘅店鋪 有好多特別嘅小食 有啲小時候嘅我都食過 玩過 呢 ^^

我曾經都有兩款呢啲鉛筆刨呢

呢張至經典嘅 大家知唔知係乜家伙 ? 有冇見過 , 玩過 呢 ?
記得小時候 過新年就必定出現 ,我都佢呃咗唔少錢
現今有啲舊型屋村士多都仲見有呢

遊蕩完 買完 又食飽飽 係時候返酒店了 

返酒店會途經三越 順道入去超市買啲小吃 飲品回酒店做宵夜時 發現有果啤 ( 果汁味啤酒 )

又買嚟試吓先 ^^

今晚試呢款 ~ 葡萄味 , 酒精含量只有2.8% 飲多幾罐都唔怕醉, 仲好有葡萄味 , 正 !   ^^

                                飲完都有少少醉意 , 啱哂 可以好好瞓一覺 

                                                   Day 3 ~ The End