西瓜汁

2009年8月20日下午6:15公開累積瀏覽 199 7

 熱呀 , 熱呀 , 好熱呀 即刻喺雪柜攞咗個半邊西瓜出嚟  手起刀落 , 一路切一路諗 ? 食咗佢 ? 飲咗佢 ? 點好呢 ? 唔諗喇 一於嚟個 "點子乒乒" , 點呀點 . . . . . . 點中咗    係飲嘅  
   

• 烹飪,
• 飲食

腰果蝦仁炒脆肉瓜

2009年8月15日下午10:45公開累積瀏覽 207 16

 今晚整腰果蝦仁炒脆肉瓜 嘅腰果係 joejoe 媽咪 親手炮製 ,  真係多謝亞"伯有"我哋至會有咁好味嘅腰果食咋  最重要係 joejoe 送俾我哋一齊分享  記住以後有好嘢分啲嚟喎
 

荔枝綠茶凍

2009年8月11日上午11:29公開累積瀏覽 145 13

友人送我一包荔枝味蒟蒻果凍粉 

我用咗佢嚟整咗粒粒果凍後再加入冰凍綠茶內 , 就變成呢杯充滿荔枝味嘅綠茶凍    
  

   

凍蟹

2009年8月10日下午7:45公開累積瀏覽 168 12

  之前都想整凍蟹食 , 不過見街市啲蟹好細隻 , 唔忍心食佢 . ( 其實係細到冇肉食唔想買咋 ) 但係我"老細"都係忍唔住話要食 , 好啦咁就食完晏去行街市睇吓有冇 , 三點鐘魚檔啱啱返貨我就企定定睇佢落貸 , 見倒佢倒瀉蘿蟹 ,  係倒哂蘿蟹出嚟至啱 , 見佢係咁分係咁分, 將啲蟹分好一盆大嘅 , 一盆細嘅 ,  細嘅都係好細 , 大嘅個穀都係大半隻手掌咁大   不過"老細"話要食就梗係要買啦   咁就叫"魚佬"同我執兩隻最大最好肉嘅   , 返到屋企就將佢哋放入雪柜凍到佢暈暈地  然後攞出嚟隔水蒸熟後放涼斬件 ,  再放入雪柜雪凍就食得 .

• 烹飪,
• 飲食

藍莓忌廉撻

2009年8月2日下午3:11公開累積瀏覽 97 12

  搞搞新意思 , 上次整蛋糕用淨咗啲忌廉 , 今日就將佢用嚟整新花款"藍莓忌廉撻" , 我仲塗咗一層香橙朱古力醬先加忌廉再加藍莓醬喺面 , 好有層次感 , 啱哂下午茶食  

  

自家制 "生日大餐"

2009年7月26日下午10:40公開累積瀏覽 514 21

  之前為"老細" 整咗個 "生日蛋糕" 做頭盤 , 而家就輪到生日晚餐主菜出場喇 ! 
    ( 先嚟一個  : 海苔粉蒜茸包 )  
 

   ( 再嚟嘅有 :  蟹柳粟米蛋花湯 ) 
 

 
  ( 主菜有 : 特大老虎蝦拼牛扒 ) 
 

(  跟住嘅係 : 火雞肉粒拌菜絲沙律 ) 

   ( 呢對 "老虎蝦 "真係好大隻架 , 長過一把間呎 , 真係一人一隻都飽咗一半 )
      

七彩湯丸明列子涼粉

2009年7月26日下午11:59公開累積瀏覽 323 19

再嚟一個飯後甜品 , 七彩湯丸明列子涼粉 , 材料有呢個 Darling 送我嘅明列子   七彩水果味湯丸同涼粉 , 加埋一齊係咪好靚好吸引呢 .  " 老細 "我為你做嘅生日大餐有咁多嘢食算唔話得喇掛 .
  

合掌瓜炒牛肉"碎"

2009年7月23日下午9:39公開累積瀏覽 218 12

 原本我係要整合掌瓜炒牛肉 , 點知個"牛肉佬"掛住講嘢就將嚿"牛肉"切到變咗"牛肉碎"咁滯 , 真係俾佢激 C .

食譜 ~

   合掌瓜去皮去芯切片汆一汆水 , 牛肉用生抽 , 糖 , 生粉調味 .
   先炒熟牛肉再加入合掌瓜片兜亂即可上碟 .

大樹菠蘿成長篇

2009年7月22日下午3:55公開累積瀏覽 156 11

估唔到短短兩個星期內呢個 "大樹菠蘿"由我口中吐出嘅核已經發芽生根長葉 , 而家已經可以落盆分開種 , 我諗不出一個月一定會有兩呎高  , 睇住佢哋成長得咁快真係好開心 .
  

  

  

 

牛柳炒素豆腐

2009年7月15日下午9:50公開累積瀏覽 233 23

簡簡單單嘅一個餸 , 只須牛柳一件 , 加一盒素豆腐就搞掂 .

包雲吞

2009年7月13日下午9:15公開累積瀏覽 201 58

  又係好耐都冇包過嘅雲吞 , 都係"老細"提意至記得呢樣嘢 , 不過今次有啲改變 , 改咗用廣東雲吞皮去整 , 因為呢隻皮薄啲又有蛋香 , 冇上海雲吞皮咁厚 , 唔會食幾隻就撐爆胃 .   

   

   呢個餡用咗椰菜 , 紹菜 , 免治豬肉 , 仲加咗芝麻 , 食落有芝麻香 . 正 ! 
   

  呢盆係我包嘅 !
  

  呢盆咩花款都有嘅就梗係我"老細"嘅傑作啦 !
   

赤柱 西多士

2009年7月12日下午3:15公開累積瀏覽 1057 10

有影片教學 ~

 3 點 3 "法蘭西多士下午茶 " .
呢個"西多士"係非一般做法 , 我係用咗"赤柱"式"西多"做法去整 , 何解叫"赤柱"式呢 ?如果去過"赤柱"而又食過呢個"西多士"嘅人就會知道 , 食落嘅口感比較鬆 , 軟綿綿 . 真係好食過普通版嘅"西多士".