蘋果鮮蝦沙律

2009年9月13日下午8:30公開累積瀏覽 156 23

  前幾日去遊卜見倒個卜友整咗沙律 , 引到我  , 攪到我有得睇冇得食  , 唔制呀 ~ 我要食呀  所以今日去完街返嚟順便去街市買嘢整沙律
 簡簡單單嘅蘋果鮮蝦沙律 . 有沙律醬嘅酸 , 蘋果嘅甜 , 鮮蝦嘅爽 . 好醒胃呢             
       

晚餐 ~ 估吓啦 (開估喇)

2009年9月11日下午9:53公開累積瀏覽 549 29

 呢個係我今晚嘅晚餐煮意之一 , 大家有冇興趣估吓係咩嚟嘅
        

 開估喇 ! 好多卜友都估係餅  無錯 , 的而且確係餅 , 仲係煎餅   而且係一個用咗罐頭咸牛肉加薯茸蔥花嚟煎嘅餅    開估之後希望大家唔好妖我
       

• 烹飪,
• 飲食

涼拌素鵝 , 鮮腐竹

2009年9月5日下午9:50公開累積瀏覽 151 15

  今晚整返個冷盆 :  涼拌素鵝加鮮腐竹 ,  貪佢材料簡單 , 易整 , 好味 , 又有益    又唔使煮到身水身汗 啱哂貪方便嘅我
        

  材料 : 素鵝 , 鮮腐竹 , 鹽 , 麻油

• 烹飪,
• 飲食

益力多奇異果特飲

2009年9月4日下午6:45公開累積瀏覽 223 20

亞 ? 太 嚟食飯帶埋手信 "奇異果"   但係"老細"唔鐘意食呢隻生果   唔鐘意食可能鐘意飲呢 ,一於出古惑 　嚟個益力多奇異果特飲  , 睇你飲唔飲 
           

家聚 ~ 之大製作

2009年9月3日上午12:30公開累積瀏覽 457 28

 今晚又嚟家庭飯局   所有一干人等齊齊返去"亞媽"屋企食飯 , 自從各自各有家庭 ,子女 , 工作者都好少機會同時間可以坐埋一齊食飯  只有大時大節先至可以齊人一聚 , 難得今晚一聚就梗係整多啲好嘢俾佢哋食啦 
 先嚟一個三角古古力曲奇  ( 呢個係"亞邊個'指定要嘅 )
                         

        

 再嚟就係我哋嘅大三元   麥提莎糯米糍 , ( 今次我用咗 cappuccino 味 , 經我試食後正過原味好多  不過就甜咗啲 , 所以糖嘅份量要減少 )
     

 最後出場嘅就係豆漿紅豆布丁  今次我一早起身自己煮埋紅豆 ,  呵 呵 ~  ~  ~  睇我對 妳 . 你 . 您 哋幾好吖
                

                                   
            

     

           

• 生活記敍,
• 飲食

蒜茸豆豉蒸排骨 ~ 豆腐卜底

2009年9月3日下午9:22公開累積瀏覽 111 16

唔記得喺幾年幾月幾日幾時"老細 " 醒咗包辣椒豆豉過我   初初見倒包豆豉有咁多辣椒粒以為會好辣  所以第一次用嚟醃排骨嗰陣唔敢落咁多 , 怕真係好辣頂唔順  只係落咗少少蒸排骨 , 抱住戰戰驚驚嘅心情試食 , 嘩 ~ ~ 原來 ~ ~ 一啲都唔辣而豆豉仲帶少許甜味 , 好香   比起一般喺街買倒嘅豆豉真係好味好多 , 自此以後我都會到時到後提"老細" 好買定一兩包返嚟睇門口
           

                                   

晚餐 ? 宵夜 ?

2009年9月1日下午10:28公開累積瀏覽 276 24

  今日如常地去買餸 , 如常地喺廚房整餸 , 可惜唔可以如常地準時開飯  原因係一個失驚無神嘅長途電話  一傾就三個鐘 , 足足三個鐘  傾到兩隻耳仔都慶哂 攪到我嘅晚餐變宵夜
嗱嗱聲炒嘅 : 豆角叉燒煎蛋餅 
       

    再嚟一大碟嘅 : 沙爹雞柳炒菜芯 ,  不過唔知點解炒吓炒吓會出哂水嘅