黑椒洋蔥炆豬手 ~ 食譜
我煲"青紅羅白"湯鐘意用"咸豬手"嚟煲 , 因為煲完湯我會撈番起隻豬手用嚟整" 黑椒洋蔥豬手煲 " , 好好味架 , 買一隻豬手都係$30蚊倒 , 煲完湯仲可以整多味餸真係好抵架 .
洋蔥黑椒豬手煲 :
咸豬手 一 只 ( 煲完湯嘅 )
洋蔥 一 只 (切條 )
黑椒碎粒 適量 (食得辣嘅可以落多啲 )
老抽 兩湯匙
蜜糖 一湯匙
(因各人口味不同 , 調味份量可除意加減 .)
做法 :
用小許油爆一爆洋蔥 ,然後將豬手放入 , 再加入老抽 , 蜜糖 , 黑椒碎粒撈匀 ,蓋上蓋 用中小火炆10 至 15 分鐘 熄火即可 . (因為煲完湯嘅豬手以經淋哂所以唔需要炆咁耐 , )
最後加多個九菜炒蛋 , 就係今晚嘅晚餐 .
沒有留言:
張貼留言