今日係 人日 , 係度祝大家生日快樂 ! 身體健康 !
原本今日人日我應該返咗"亞媽"度做節 , 不過見仲有啲鼻水同咳 , 所以冇返倒去 , 費事傳染埋佢哋 ( 因為我老細已經中咗招喇
) . 我哋兩個由初三到初六淨係出街食晏跟住就返歸 打蛇餅 同埋打機 , 自閉咗幾日見今日天氣幾好仲有啲陽光就出咗旺角食啲嘢再去花墟買番啲花 ( 因為新年時買嘅劍蘭同水仙都開到盡 , 要買返啲花補充番 ) .
開得 勁燦爛 嘅 水仙 , 未到初七已經謝哂 .
勁多花冧嘅劍蘭都開到盡 . (點解今年新年咁凍啲花都可以開得咁盡嘅
)
今日出去花墟買嘅白合 . ( 希望佢襟開啲 , 可以擺多幾日
)
呢幾日都冇乜謂口 , 食西藥食到個人wing wing 哋又手震 , 所以都冇乜整嘢食 , 呢幾日嘅 晚餐淨係整咗啲通粉 , 麵 , 烏冬嚟食 , 今晚都唔例外 , 又係食烏冬 , 不過見好番啲就煎咗兩條"亞媽"包嘅素鵝 同埋"硬琳" 整俾我嘅芋頭糕 , 兩樣都好味 ~
沒有留言:
張貼留言