元宵節大餐

2010年2月28日下午11:59公開累積瀏覽 378 22

  今日係元宵佳節  , 祝大家甜甜蜜蜜 , 開開心心過今日
今年嘅西方情人節又撞正農曆年初一我仲要病埋  真係咩 mood 都冇哂 , 仲等我過年前入咗咁多貨 , 諗全大開食戒 ,  點知全部原風不動 ( 因為老細唔俾食 )   好彩今日元宵佳節我哋終於好番哂 , 可以大吃一餐慶祝補番數

  是日晚餐  :  忌廉龍蝦湯 , 海苔蒜茸包 , 芝士條 ~
   

     
  法式田螺焗薯蓉  ~  
   

    香草焗羊脾肉粒 ~
   

    意式豬肉腸 ~
  

    蒜香炒什豆 ~
   

 
 

 餐後甜品  ~  七彩水果麻蓉湯圓  

四餸一湯 ~ 海南雞飯任舀

2010年2月26日下午7:00公開累積瀏覽 395 27

四餸一湯  ~  海南雞飯任舀

本來呢個飯局應該係年初一已經食咗 , 因為亞呀"乜師奶"近年習慣農曆嘅年初一我哋首先去佢屋企拜年同埋食午飯 , 然後坐一陣就輪到佢哋嚟我哋屋企拜年同埋食晚飯 , 不過今年嘅初一因為我帶病在身  所以我哋淨係去咗佢屋企同佢拜年再食埋午飯就走人 , 返歸養病  ( 因為亞"乜師奶"屋企多咗個 BB , 我哋驚傳咗啲病菌俾 BB就唔係幾好啦 ) 等到今日病菌走哂 ,  終止可以延續呢個下集喇  ~ 
 原本又係諗住今晚打邊爐 , ( 貪佢快 靚 正 ) 點知今日熱到 CC 吓 . 最後都係改咗煮飯仔正氣啲  

  

主菜 : 海南雞一大隻  ~    

     蔬菜 I : XO 醬帶子粒炒翠肉瓜   . . . . . . . 冇錯 , 又係翠肉瓜 , 因為前日買多咗    
  

蔬菜 II : 鮑魚螺扒生菜 ~ 

   海鮮 :  潮式凍大眼雞魚 ~
   

 湯羹 : 粟米魚肚羹 ~  ( 因為今日掛住卜聚冇時間煲湯 , 所以又整咗呢個快靚正喇 

       大大煲 : 海南雞飯 ~    . . . .  .   ( 煮咗四杯米 , 食清哂  )
  

    飯後甜品 :  乜師奶指定要食嘅 N,Y Cheese Cake  ~  

   今餐飯最開心就係所有飯餸連甜品全部清哂 , 一啲都冇剩

• 生活記敍

鴕鳥肉炒翠肉瓜

2010年2月25日下午9:40公開累積瀏覽 458 26

      鴕鳥肉炒翠肉瓜  ~ (食譜 )




   前响凍肉鋪買咗件鴕鳥扒都唔記得咗 , (係唔記得買返嚟要嚟點整 ) 直到今日摷吓個冰格睇吓有咩可以煮先發現佢嘅存在 , (但係都仲未記起買嚟想點整 ) 自言自語  : 諗乜鬼吖諗 , 記唔起咪算 lu , 諗得多好易生白頭髲架 ,  求其整咗嚟食 , 到得閒記返起先再買過件再整啦 . . . .     所以今晚就用佢嚟炒尋日响吉 x 島買嘅翠肉瓜喇 !

 講起吉 x 島 , 樂富間分店做埋呢個月28號就關門大吉 , 所以尋日見得閒咪走落去睇吓有冇我嘅心頭好先 ,  點知去到電器部睇 , 成個夜冷鋪咁 , 咩都冇 , 淨係得啲 display 嘅雪柜 , 洗衣機 同埋少量抽濕機   家品部就一味賣 鑊 , 鑊 , 鑊 , 全部都係鑊 , 我覺得佢唔似結業似清舊貨倉底貨多啲 ,同埋啲嘢都唔係真係好平好抵 ,  所以我淨係買得兩把傘同埋响超市買咗少少嘢就走人 ~  



   鴕鳥肉炒翠肉瓜 ~ (食譜 )

材料 : 

  鴕鳥肉  - 切片 .
  翠肉瓜 - 切粒 .

做法 : 

     1 . 先將鴕鳥肉片用生抽 , 糖 , 生粉 , 少許油醃1 小時 .
    2 . 先用中火落油燒熱鑊後落鴕鳥肉爆炸至八成熟 , 再將瓜粒落鑊一起兜亂炒至鴕鳥肉至全熟即可熄火上碟 .

肉鬆豆腐粒

2010年2月24日下午9:39公開累積瀏覽 283 23

   肉鬆豆腐粒 ~

尋晚整肉鬆蒸水蛋時買多咗豬肉碎 , (其實都唔係專登買多架 , 只不過係買得少唔好意思 , 怕俾人咀咒 , 所以至買多啲) 所以今晚用淨番嘅肉碎嚟整呢味肉鬆豆腐粒  , 又係一味又好味又健康嘅餸 .  不過我每次將啲豆腐切粒粒 ( 感到靚啲 ) 我老細就會話 : 使唔使將佢切粒咁麻煩呀 , 一陣舀嗰陣都會爛哂 ga la  ( 真係俾佢激 C )   都唔知咩叫視覺享受 , 整得靚靚哋食嗰陣都開心啲麻 ~

肉鬆蒸水蛋

2010年2月23日下午9:40公開累積瀏覽 406 26

 


肉鬆蒸水蛋 ~  

呢個餸係"老細"尋晚已經講明話今晚要食嘅 , 佢詬呢個餸既簡單又易整 撈飯食又好味  ( 我易得佢日日都食呢個 , 材料簡單又平 , 咁我每個月會慳唔少 , 紅薄仔真係換完一本又一本  ) 我又點會唔整呢 . 
   

 再嚟多個上湯浸小棠菜 .
   

正式開工喇 ~

2010年2月22日下午9:40公開累積瀏覽 365 28

   正式開工喇  ~ 

由年廿九開始到今日我都未煮過飯 , 一係出街食 , 一係返歸做節 , 跟住仲病埋就梗加冇心機整嘢食  只係簡簡單單咁煮啲粉 , 麵食吓 . 到今日連"老細"都放完假要返工 , 即係新年已經過喇 , 一切又要回復正常 , 我又要開工喇    

 
開工第一樣整嘅就係煲湯  ~


 先嚟一碗蕃茄薯仔排骨湯 , 要補充番啲維他命 

  再嚟就係炸菜蒸瘦肉 ~  
呢幾日食得好清淡 , 口都 wet 埋 , 整呢個食要嚟剌激番啲味蕾
 

    再嚟多個 蒜茸炒菜芯苗 .   咁又搞掂一餐喇 ~
   

• 飲食