籠仔糯米蒸蟹 ~
今日晏晝出街食完嘢之後原本諗住去街市買返斤蟹今晚整嚟食
( 因為前日遊卜見倒sandy 整咗碟薑蔥炒蟹 ~ 引到我 )
點知魚檔老闆話仲未返貨 , 冇蟹賣
叫我晏啲再嚟過 .
我本來諗住叫老細開車去遠啲大啲嗰間街市買 .
"老細 "又話想同架車扮吓靚
咁我唯有自己返上樓攤抖吓順便上網搵吓嘢, 等佢 .
等到佢同架車扮完靚 call 我話搞掂喇 , 可以出街喇
又輪到我唔想出 lu
叫佢返嚟嗰陣順便去街市買斤蟹買幾條蔥 , 買幾棵菜 , 買埋糯米 ~ 原來屋企冇哂糯米
由於唔夠時間浸糯米 ~ 所以我用快速法 , 用暖水快速浸咗兩個半鐘 至蒸
到食嗰陣一打開個蒸籠蓋啲糯米蟹同蒜香味湧哂出嚟 ~ 真係流哂口水
即刻舀碗飯試食 ~ 好 香 呀 ~
咬落去 ~ 老細都話正 > 不過 ~ 啲糯米雖然熟哂 , 但係就唔夠淋 , 仲差少少 .
喂 , 我第一次整咋 , 又冇食譜參考 , 只係憑記憶斷估嚟整 , 只不過係啲糯米唔夠淋啫 , 都算係咁啦
你咁叻下次你整吖 , 笨
沒有留言:
張貼留言