啤 一 啤佢 ~
尋晚終於 , 終於都記得買黑啤喇
話說早幾 , 幾 , 幾日前請教咗超級高手 Darling 教我整啤啤包之後 , 滿心歡喜咁諗住出街買啤酒啦 . 點知一出到街就俾其他嘢吸引住 , 掛住買其他嘢就係唔記得買啤酒
如是者之後每日出街都提自己 : 記得買啤酒呀 , 記得買啤酒呀 .
點知都係唔記得買
直到尋晚星期六 , 出街食完晚飯後終於都記得喇
返到屋企立即開工 ~ ~ 整 !
整呀整 , 整呀整 , 終於搞到半夜點幾兩點鐘至掂哂所有程序 , 最後將啲麵包做埋形之後就放入雪柜 留番今日焗 .
所以今朝一起身就响雪柜攞咗啲粉糰出嚟回溫至焗 .
點知焗到咁上下至記起我唔記得掃蛋液呀
冇辦法啦
唯有照焗 . 新鮮熱辣嘅 黑啤包 出爐喇 !
即刻攞咗個嚟試食 , 個包真係好香好軟熟 , 好正呀
唔記得掃蛋液上面所以焗出嚟個面有啲乾 , 唔夠靚仔 .
沒有留言:
張貼留言