小暑 , 消暑

2009年7月7日下午9:25公開累積瀏覽 102 8

今日喺街市行過什貨鋪俾 '亞姐"叫住 : "靚女" , 今日小暑呀 , 買番包"冬瓜湯料"煲湯消吓暑啦 ! 我話今日咁熱仲煲湯飲 , 我怕未飲完一碗已經中暑囉 , 佢就話唔煲湯用嚟煲水飲都一樣架 , 雪凍飲仲正 , 咦 , 呢個提意唔錯喎 ! 就幫襯佢買咗包返屋企煲 .  
   材料做法簡單 , 只需要冬瓜湯料一包 , 糖冬瓜一包 , 材料過水沖一沖 , 將所有材料放入一大煲水 , 水滾後再煲45分鐘熜火 , 喜歡凍飲嘅可放入雪柜雪凍 .
   唔鐘意甜嘅飲法可將湯料加瘦肉煲就變成湯水 .
  

• 烹飪,
• 飲食