2017-1-22 自家製新年糕點

好忙呀 好忙呀 好忙呀 ⋯
好怕1月份過舊曆年，因為剛過了聖誕節 元旦日 兩個大節日已經散哂，轉頭又要即刻開始預備賀年食品，真係返工都冇咁忙😅
由於時間緊迫，所以今年要同時間競賽，首先開工整了工序 同時間都較多，但又好受歡迎又好味嘅 蜜餞朱古力橙片

 1.2.3.4.5.6.7.8. 日時間 終於完成

 再嚟就係紅棗糕 & 奶黃黃金魚
今年第一次整紅棗糕，仲專登買了個玫瑰花模嚟整，成品效果真係好靚，我仲用咗一級靚紅棗整，味道真係好香濃～ 正！

 其實鯉魚形都好靚

  

還有這個：炸蟹柳

去年已經想整，但唔記得點解會冇整到～ 哈哈

所以今年一於整埋你 ～ 嘻嘻

今年嘅賀年食品製造工廠 可以收爐喇，明年繼續 ！

2017-1-16 #蜜餞朱古力橙片#製作中#day3

#蜜餞朱古力橙片
Bu bu bu bu bu bu bu ~ 香橙砂糖溫泉浴
今年又再做呢個 蜜餞朱古力橙片做賀年拌手禮送給親友們！
今次仲唔好嘥 將橙嘅頭尾片埋出嚟做橙條 ～ 呵呵 ～

5日後再見 ~ ^^

2017-1-1 happy new year family party

Happy new year 🎈🎊
新年第一day 當然要同我親愛的家人渡過啦！
今年元旦大食會在我家舉行，仲有交換禮物呢^^
是日餐單 >

什果沙律：家人至愛嘅

鮑魚薯蓉酥皮盒：呢期啲鮑魚好大隻，大到個酥皮盒都放唔落，哈哈！

香蔥芝士煙肉粒粒包：今次用咗一條超大長法包整 竟然好快清哂；目

雞肉串配沙爹醬 ： 呢隻沙爹醬在家鄉泰國買返嚟，口感味道同街頭吃到嘅9x9相似

芝士焗豆腐：我用咗日本絹豆腐+三色芝士整，芝士咸香豆腐滑滑，大家都話正

紅酒炆豬軟骨：其實我係想炆牛腩，但傻傻的拎錯了豬軟骨，所以就將錯就錯啦（原來用紅酒炆豬軟骨都唔錯喎）！

翼尖蘿蔔年糕：其實呢個原版係麻辣嘅 可惜家人不吃辣 所以唯有走辣，但出嚟效果真係冇咁好味

鮮茄腸仔燴意粉：好懷舊嘅一款party food 人皆愛之^^

窩夫湯圓：湯圓新食法，就係將湯圓用窩夫機烘烤嚟食，效果真係好正呢

柚子蜜大菜糕：

士多啤梨朱古力糯米糍：我用咗士多啤梨乾後再沾上一層朱古力後再包上糯米皮，口感似大福^^

仲有二姐帶來嘅壽司同 遊日 買回來嘅梅酒

靚仔Calvin 帶來嘅岡山巨梨：一隻都真係大過我個頭呢，哈哈⋯⋯

大家食飽飽 傾飽飽 又到最開心環節 ～ 大抽獎

我同老細抽到好多襪 同罐頭鮑魚 ： 今年一定衣食無憂喇 哈哈！

   多謝二姐嘅手信 ^^

多謝我既家人賞臉光臨，祝大家新年快樂 身體健康 事事如意日日都開心愉快！！！！