上品 火鍋料理（天后）
今日又同朋友去 飯聚
朋友話呢間火鍋唔錯 所以地方老遠都要去試吓
（因少去呢區 對我嚟講算隔涉）
好彩而家啲智能電話咩功能都有
只要裝個google map app 輸入地址就可以自動導航帶我到目的地 唔水搵餐C，真係超方便呢^0^
講番呢間火鍋先
我哋三個 lady (好細食咋）先點咗一份刺身拼盤（原來點一份刺身拼盤加$10皮就多一碟三文魚刺身）
而刺身拼盤有象拔蚌，三文魚，鮑魚，帶子，北寄貝，甜蝦&類似泰式蝦刺身，全部都好新鮮，味美
再點一份上品牛肉拼盤
拼盤上有七種不同款式嘅牛肉，而店家亦好細心地加上一張溫馨提示咭，示意牛肉最佳烹飪時間為4分鐘，good ar 〜
我哋再另外單點了響鈴，手打丸，腸仔，水餃，烏冬，水晶粉，珊瑚蚌&蔬菜
佢哋嘅水晶粉帶灰色而不是透明，口感仲帶點靱，麻麻地呢！珊瑚蚌帶少許腥味，也是一般。
手打丸&水餃味道唔錯。
湯底就選了鴛鴦鍋，有沙爹湯&蕃茄湯
佢個蕃茄湯底好特別，味道好似食錦滷雲吞點嘅醬汁，少許酸甜味真係好特別，沙爹湯底反而一般。
飽餐一頓後見時間尚早我哋再打的出銅鑼百德新街shopping
出血完畢後再打的過海到九龍城嘅＂合城糖水＂食宵夜^^
因為咁啱撞到另一位朋友掛住傾講所以忘了影糖水照 :目.
