2013年10月27日 星期日

爛鬼 黑炭頭

竹炭肉鬆包 ~

16 - 10 - 2013 ( made )




早前買咗包竹炭粉 ( 係好好早前買 , 淨番兩個月多啲就過期喇 ) :目

去完旅行返嚟咁耐又太濕碎嘢要搞 , 都冇時間整

終於可以襯老細 今晚唔响樹靜靜地冇乜嘢做就開機整番轉包

真係太耐冇整包 , 搞到唔得習中 , 甩甩漏漏

拎咗啲模出嚟但忘了掃油 就將嚿粉糰放咗入模

仲要焗到一半先醒起 ~ 冇得救啦 XDD












2013年10月24日 星期四

泰 hea 遊 27 - 9 - 2013

Day 4 ~ 泰搞嘢  ^0^ 














今日原本打算去"翟道翟"食晏然後行吓

但係行程有變呀! 

一日都係我唔好,只因昨日買了一啲太可愛嘅Kitty 指甲油 放上 Facebook 同親朋好友分享

隨即引嚟一班 "貓迷" 朋友 '虎視眈眈" ~ 喵 , 喵 , 喵喵喵

為怕 "順得哥情失嫂意" 所以今日要再去補貨

今日去掃哂16隻色 ,  共29支 , 加埋尋日買嗰啲 Total 買咗 48支 ^0^ ^0^ ^0^









補完貨後我哋又落咗 MBK 食豬手飯 =.=;

 ( 我老細真係對呢度嘅豬手飯情有獨中, 廿年不變 , 愛佢比愛我更甚呢 )

我就更係冇佢咁傻啦 , 雖然我都好like "佢" ,  but 此終都覺得少食會多"思"味 , 到下次再嚟食就會更加覺得好味  ^^

所以我迫佢只準買一碟飯兩份食 , 因為要留肚再去隔離食 鐵板燒 ^0^

呢間 鐵板燒 6 年前我哋已經幫襯過 , 今日又去回味吓 !


我哋要咗一客新西蘭牛柳粒鐵板餐 & 一客鐵板燒大頭蝦餐 ( 所有套餐都會跟一碗飯 , 湯 + 炒=什菜 )  平均一個套餐只係 $25xb = 約 hk$ 65 x 2



個大頭蝦炒得好味又多膏 ~ 正 !  但係個牛柳粒就嚡咗啲 : (


食完呢兩餐後 我又要爭取時間去 "濕平" , 因為明天要返香港喇 , 我要作最後"沖厠 " ~ 拚呀 !

蕩完一輪又開始想食啲嘢 ~ hehe

醒起MBK對面商場有好嘢食即刻捉咗 老細過去食好嘢 !

呢個商場其實都好舊吓 , 走藝術 路線 , 加上其貌不揚又唔係 Shopping mall 所以一般遊客都會忽略咗 .

但內裡就有一間食店好吸引我囉   =^.^=



哈哈 ~ 就係呢個喇 ~  吉列豬扒定食


  
 大家係咪諗緊 >

 嘩 , 原來妳咁大食架 ?  食咗半碟 豬手飯 + 一 set 鐵板燒 套餐 , 而家又食吉列豬 @.@

哈哈 , no la , 我唔算係好大食架咋 , 只係泰國一般食物嘅份量比較細碟 , 我咪可以食多幾款 加上我又同 老細 share 又可以"質"多啲比佢食 , 咁變相我咪又可以食多啲其他嘢囉 ~ 嘿嘿

況且  呢個其實並不是 吉列豬扒 , 而係 ~ 甜品嚟架 haha ~

只係佢嘅外表 整到勁似 吉豬扒 其實內裡係雪糕嚟架 , 外層就係麵包 , 用麵包包住雪糕 然後沾上麵包糠炸至金黃色 再拌以薄脆 , 忌廉  生果 果仁 上碟 , 就成為呢碟相似度 100% 吉豬扒雪糕餐喇 ~ haha 係咪好搞嘢呢 ? ^^


呢個吉列豬 外熱內冷 食落口感真係好得意呢 ~ 呵呵 !

除咗吉列豬 , 其實仲有鐵板 牛扒 , 雞扒 架 !

 另外佢仲有好多款特別味道嘅雪糕如 咖哩炒蟹味 haha

如果大家對佢有興趣 下次去 bkk 順便過去試吓吖 ^_*


BTS National  右手面係Tokyu 百貨 , 左手面就係呢個商場 , 天橋直通商場二樓 , 只要上一層就見倒民間鋪 ~ lce DEA
 

食完雪糕 我哋又要趕返酒店去泳池 hea 吓 游番兩個塘消吓脂先 ^^


晚餐去咗 Surawong Rd建興 食咖哩蟹

其實佢已經有好多分店 , 但我哋就只鍾情去呢間食 ^^

今日因為時間尚早 我想行吓街 , 所以冇 '打的'去 , 改搭 BTS  Sala Daeng 站落 去商場行吓

然後再沿住" 啪碰 " 遊客街 ( 類似女人街 但有鋼管舞睇嗰條街 ) 呢 , 行到街尾靠左一直行5 分鐘就到 建興

例牌菜 >  咖哩炒蟹 ( M )

佢嘅蛋花整得真係好香 用嚟撈飯食簡直係絕配呢 ^0^

蟹肉炒飯  (M )

今次多咀啲臘腸碎喎 !

炒通菜 ( M )

老細 嘅 啤酒 , 我嘅 可樂
 

其實仲叫多咗一碗白飯 ( 忘了影 ) 俾老細要嚟撈咖哩蟹嘅蛋花食呢 ~ ^^











     

2013年10月21日 星期一

泰 hea 遊 26 - 9 - 2013

day 3  ~ 泰地道

今日嘅行程 > > >

先落唐人街 "唱" 錢 
  *我哋鍾意去 唐人街嘅 林真香( 老鋪 )同四眼仔"唱" , 因為佢比嘅對換價都幾抵 , 高過一般找換店*
又可以順便行街買嘢食嘢 ~ ^0^

最近呢幾次過去我哋都冇食魚翅 ( 支持環保 ) :目
雖然唔食翅但都一定要食番煲 粉絲蟹煲
由其鍾愛呢一間 呢  ~ 銀都  

簡簡單單嘅 午餐  >
 
粉絲蟹煲 + 蟹肉炒飯 + 炒通菜  
  
食完晏 即刻比老細催促我要趕返酒店游水囇太陽
 
今日好好陽光 , 啱哂落泳池 hea ~ 
 
哈 ,  仲多咗一竇雀仔玩 呀 ^^ 
 
 
 
 

hea 到日落西山 , 雀仔都返哂竇 , 老細又要返房搵 周公傾計

今日我唔睬佢喇 , 各自梳洗完畢約好時間去食dinner 就佢有佢瞓覺 , 我就獨自去行街 ^0^

因為尋晚行得唔夠喉 , 所以今晚我要行番夠本 ~ 哈哈
 
 
 
 
 
真係唔行就由自可 , 行吓行吓 原來我行到去了勝利紀念碑tim *0*

呢個夜市集原來好長好多嘢睇架 ~ 巧爽呀

如果唔係約咗老細真係想再行多陣 ~

今晚 我哋去咗呢度 泰地道 > 火鍋 + 烤肉

 

$139 B 任食 火鍋 + 燒烤 , 平到呢 ~  *0* 

哈哈 , 係呀 , 熱 C 辣辣食火鍋 + 烤肉  , 因為我哋要開始學習容入泰國平民式生活為未來作準備呢 ~ ^^  
                       

酒 水 冰 另計 , 但都好平囉 !

呢度係自助式取食物 , 有海鮮 , 肉類 , 蔬菜 , 生果 , 沙律 , 甜品 , 又有熟食 如 烤麵包 ,  炸雞 , 薯條 , 魚蛋類 , 炒海鮮 ,  雪糕 . . . . 

款式都幾多吓 , 有啲都幾好味架 !
  
 


  今日遊蕩咗一日嘅收獲 >  
                                               貼紙   
 電話塞
 公仔
 
按摩膏 
 
靚圍裙
 靚爆Kitty指甲油 
 

 

2013年10月16日 星期三

"泰" 野味 ~ ^^

泰式粉絲蟹煲  ~ 做法步驟 

14 - 10 - 2013 ( made )












以往 每次去泰國都必去唐人街食粉絲 蟹鉗煲

大大隻蟹鉗 + 上野味嘅粉絲 , 我可以一個人食哂一煲呢 ~ haha

今次喺嗰邊嘅超市掃咗一大堆 醬料返嚟 送比 blog 友

* 我就更係留起啲自用啦 * hehe

今晚就試吓用呢隻粉絲煲醬料整粉絲蟹煲





真係好泰國味道  , 正 !    


















































































有帽戴靚仔哂 ~ 印尼炒飯

8 - 10 - 2013 ~ made



 
上星期不停執 blog 睇番好多自己嘅舊 blog 舊相

見倒自己 long time 前整嘅印尼炒飯又好鬼想食

* 一個人為食起上嚟真係冇藥可救呢 * haha 

好彩時間尚早 , 我仲未預備晚餐 ^0^

拿拿聲去摷吓個雪柜睇吓夠唔夠料整先

yeah ~ 有兩塊雞扒 , 半隻椰菜 , 幾隻蝦仁  夠哂料 , 唔使落街補貨 , 正 !

即刻將兩塊雞扒解凍醃好 , 做串燒

椰菜伴碟 , 蝦仁做炒飯 , 加幾塊印尼龍蝦片( 撻咗老細啲零食 ) ^0^

再煎隻荷包蛋放喺飯頂 ~ 呵呵 ~ 戴番頂帽 即刻靚仔哂  ^^






2013年10月15日 星期二

泰 ~ hea 遊 25 - 9 - 2013



Day 2 ~ 泰扺食 ^^


今次回鄉渡假 真係渡得好 hea 又平民

首先係日日瞓到11- 2 點先起身去行街食嘢

所以今次book嘅酒店房係out 咗早餐

*老細都不知幾開心 ,  可以唔使朝朝早專登起身落去食早餐*


今日嘅行程就係 >
第一站 去咗 MBK 食老細至愛 豬手飯 

 
然後落咗去咗行 Siam Square 再一直殺過去 Siam 行街行超市

  
喺 SIAM 培市掃完貨順便食杯黑炭綠茶 雪糕 ~ so yummy  
 


















原本諗住返酒店泳池囇吓太陽游水hea 吓 , 點知返到酒店附近行咗一陣商場出嚟就見個天都黑哂 , 知道好快就會落一場大雨 , 好彩咁啱有架酒店嘅免費 "督督" 停咗喺商場外 , 即時跳上車 ~
返到房放低今日嘅戰利品後見冇得去泳池 hea 就索性瞓個晏覺
 , 夜啲再出動去搵食 ^^

差電完畢 , 雨又停了 , 我哋又再出動 ~

今晚我哋行咗出去咗 BTS 附近一間餐廳鋸扒 ~ 呵呵

事原我哋今日蒲完返嚟時喺商場附近發現呢間餐廳幾吸引, 行埋去昅吓個餐牌睇吓有咩好食

不昅就由自可 , 一昅就驚喜哦 *0*

巧平哦 ~ 真係巧平哦 ~ 唔怪豬得食晏都貢多人等位啦 !

  
我哋等咗一陣就好快有位 , 佢哋啲扒嘅價錢由 $7x匹 - $3xx匹
 
即係港幣廿皮 - 70幾皮倒咋 ! 
   
我叫咗一客 燒排骨 & Fruit Punch
 
老细就要咗份最貴嘅肉眼扒 + 一支啤酒 , 一客沙律 .   
                  
佢哋嘅扒餐全都會跟 一件 牛油多士 , 薯條 , 菜絲沙律 . 同香港嘅好唔同  ^^


                      我嘅燒排骨 , 不過唔夠香口

 
老細 嘅肉眼扒 味道唔錯 ^^
 
  

 
呢個蜜糖蘋果沙律好好味

  
 埋單只係  > >  >  >   漏咗個沙律未計    
 
 
 加 埋 對番 HK$ 都只係 150 蚊 , 好鬼抵食呀 ^0^
  
食飽飽又出去蕩咗一陣
 
今年1 月份過嚟時已經發覺呢個商場週邊 開咗唔少臨時檔仔
 
有食嘅 用嘅  着嘅 , 扮靚嘅 成個小型夜市咁 , 好正呀 !
 
 
 
 


 
行吓睇吓 原來時候已經唔早 (  泰國時間 9:30 ) 好多小檔已經開始收檔 :(
 
唯有回頭行去附近嘅 7仔 買啲飲品同零食 然後回酒店 hea  
  
 wa ~呢隻明治 咖啡奶 , 朱古力奶 好好飲呀 ^_*
 
  
 
 
見時間咁早就拎啲戰利品 出嚟點算吓 ~ hehe
 
 
 
 
影完相收番埋啲戰利品後 睇咗一套片 老細又話肚仔有啲餓要食宵夜  
 
好彩我醒 晏晝喺 siam 已經買定宵夜 呵呵 ~  
 
有芒果糯米飯 , 牛油切蛋 , 酒店附近檔仔嘅 烚粟米 & 丁蟹 ^0^ 
 
 
haha 蟹仔細細 但對鉗好大呀 ^0^ 
 
 
食飽宵夜 去沖涼Zzzzz  
明天繼續 ~