花膠雲吞雞煲

2010年3月29日下午9:40公開累積瀏覽 829 37

 


花膠雲吞雞煲  ~ ( 附食譜 )


 

  又俾佢諗起我好耐冇整過呢個嚟食  ,  冇辦法

既然俾你發現咗我真係好耐冇整而你又想食啲話咁我咪整囉 .
 不過今次我只係買半邊雞嚟整 , 費事好似上次咁買一隻雞整咗兩個人又食唔哂盛嘥

 同埋今日掛住去聚聚冇時間包雲吞   所以走咗去對面街間麵鋪買咗一打鮮蝦雲吞頂住檔

( 呢間麵鋪啲雲吞唔錯架 , 啲蝦又大粒又爽 ) 正 ~  然後再加埋花膠落去 ~

嘩 ~ 真係 好鮮甜 , 好好味呀 ) ) ) ) )    

  

  花膠雲吞雞  ~  食譜     ( 二至四人用  ) hanhan

 材枓 :

    鮮雞     半隻   ~  洗淨
    金華火腿       四小片
    雲吞  一打  ~  我冇時間包 , 所以買現成 
   小唐菜 半斤  ~ 洗淨後一開二 
   花膠   (處理好 )   除意  ~  鐘意食就落, 唔鐘意食可以唔落  

做法 :

  1 . 用三公升水煲滾後落雞 , 金華火腿用中至大火煲一個半小時 .
  2 . 將花膠 , 雲吞一齊落埋至雲吞熟透然後加鹽調味 .
  3 . 調啱味後將小唐菜放入鍋中後熄火蓋上蓋焗五分鐘至菜熟即可 .

簡簡單單又一餐

2010年3月25日下午9:40公開累積瀏覽 374 18

     簡簡單單又一餐  ~

 今日又去咗行街街 , 買 , 買 , 買  
所以冇時間整啲特別菜式 ,  ( 其實係想留番啲整餸時間去行街好過  ) 
橫掂我整咩俾佢食佢都冇咋型嘅 ( 除非真係整得好難食嘅啦 , 佢先至會出聲 )
 蝦醬蒸排骨, 腐竹底  ~  用咗佢响大澳買嘅蝦醬, 佢一定鐘意食啦 

  

   豆醬炒油麥菜  ~  見雪柜有支普寧豆醬試吓攞嚟炒菜 , 諗唔倒又幾夾幾好味喎    不過炒時記得加糖試味 , 因為個豆醬都幾咸 .
  

• 烹飪,
• 飲食

 蝦醬蒸排骨, 腐竹底  ~  用咗佢响大澳買嘅蝦醬, 佢一定鐘意食啦 
  

葡式臘腸粉椰菜

2010年3月11日下午9:40公開累積瀏覽 281 22

葡式臘腸炒椰菜 ~ 



早前卜友仔"無敵" 送我一罐葡式臘腸

佢曾經教我點樣食最好味 , 不過冇記性嘅我 - 唔記得咗呀   

咁就唯有諗吓點食好 , 諗吓諗吓  諗起過 MC 玩嗰陣去食葡國菜食過嘅葡式臘腸炒椰菜好好味 , 今晚一於整呢個試吓    

     

      無敵 ) ) )  妳快啲再話過我知 上次妳教我嗰種食法吖 ~

• 烹飪,
• 飲食

菊花杞子桂圓茶 & 糕

2010年3月6日上午12:30公開累積瀏覽 239 28

      菊花杞子桂圓茶  & 糕  ~  

 呢排啲天氣濕濕熱熱 , 令到人好唔舒服 , 又特別容易病 . 其實我想煲啲去濕茶飲 , 不過我知我呢排唔受得涼茶咁涼 , 所以都係唔好煲喇 , 諗起有中醫提過 : 呢啲咁濕重嘅天氣要

煲多啲去濕茶飲去除體內嘅濕氣 , 咁個人就唔會成日覺得好似好攰咁 , 又冇咁易病 ,  但係體質虛寒嘅人就唔適宜飲咁多涼茶 , 不過可以用菊花杞子桂圓煲茶飲都一樣有效 , 仲有

明目疏肝嘅作用 tim .   

所以今日我就煲咗呢個桂圓茶嚟飲 ~   
  

 
   我仲將呢個茶整埋做糕俾班壞人試吓 , 咁妳哋就可以同我一樣咁疏盰喇  ~
  

  其實上次去清真牛肉館卜聚嗰日我已經想整呢個俾妳哋試吓 , 不過諗吓有啲卜友可能唔食得 , 咁我冇理由整俾其人唔俾佢哋 ga ma , 咁不如下次整啲大家都啱食嘅再俾妳哋啦    

• 烹飪,