2009年4月30日下午9:00公開累積瀏覽 433
真係正宗"砵仔糕"嚟架 !
呢啲砵仔只有2吋半大咋 , 係前日喺上海街發現
見佢細細個幾得意咪買咗佢返嚟整"砵仔糕"俾"老媽"食 . ( 因為佢鐘意食 )
我用咗 原食譜嘅份量點知可以做出"17"個咁多
我仲整雙倍份量 ,即係"34"個 , 勁 !
因為尋晚有家庭飯局 ,所以就整咁多
但係話咁快就食淨幾只咋 . 可想而知我嘅家族有幾大啦 !
食完之後 ( 綜合各人意見係 : 1 , 味道 ok 但係紅豆硬咗啲 ,應該係煮完焗唔透 , 2, 蒸佢一陣先落紅豆就唔會沉哂落底 . 3. 想紅豆快啲淋加小許糯米同煮 , )
下次就試吓呢啲綜合意見再嚟過睇吓係咪會好啲 .
未蒸之前白雪雪一啲都唔似 .
蒸好之後就凹咗落去 .
凍咗之後又平番啲 . 似喇似喇 .係砵仔糕喇 ! 好搞嘢 .
2009年4月29日上午12:17公開累積瀏覽 248
2009年4月24日下午12:58公開累積瀏覽 79
係咪好kawai 呢 ? 喺吉x島$10店買嘅.帶得你返嚟就梗係要為我效勞啦 !立即開工. 
是日晚餐有 : 蒜香牛柳粒 , 香煎蓮"偶"餅 , 金銀蛋煮波菜 .(全都喺吉x島有售 .)快,靚, 正.好味.....
2009年4月24日下午2:30公開累積瀏覽 1886
自家製 鳳梨餡 ( 食譜 )
材料 :
罐頭波蘿二大罐 ,
切剁成茸後. 將水份榨乾 ,
加砂糖兩湯匙 , 麥芽糖兩大湯匙 , (鐘意甜嘅可隨意將糖份増加)
倒落小鍋用中火炒半小時以上至乾身.
越炒越少
最後淨番嗰啲啲 , 取出後放涼
放涼後包好放入雪柜雪硬.
搓好一粒粒.大約有40幾粒.
自製"鳳梨餡"嘅製成品. 真係好食過嗰啲現成"鳳梨餡'好多 ( 如用新鮮菠蘿整更佳 )
又可除意將菠蘿剁到好茸或剁到一絲絲同有啲粒粒,我就鐘意有絲絲同粒粒,咬落有口感, (連老細都話正 .) 呵呵呵呵......
2009年4月21日下午6:57公開累積瀏覽 145
在網上見倒人哋做嘅椰汁紅豆糕
覺得會好好味 ,所以就跟住食譜做, 做出又真係唔太甜好好味 , 不過脫模脫得唔係咁靚 ,下次小心啲.
